ЦХИНВАЛ, 22 июн — Sputnik. Ирон рапиристкӕ Санаты Аида хисæрмагонд фыццагады Европæйы чемпионаты рамбылдта æвзист майдан, хъусын кæны Осетия Times.
Санаты Аида йæ фондз тохæй рамбылдта цыппар. Ирон рапиристкæ кæй рамбылдта, уыдон хсæн уыд дунейы авд хатты чемпион, олимпиаг хъæзтыты уæлахиздзау Элиза ди Франческа.
"Аидӕйы ма чысыл хъуыд уæлахизмæ, фæлæ æндæр италиаг спортсменкæ Арианна Эрриго разынд æвзыгъддæр", — дзырдæуы хъусинаджы.
Европæйы чемпионат уагъд цыд Польшæйы, горæт Торуны.
Санаты Аида у 2008 азы Олимпиаг хъӕзтыты уӕлахиздзау, Европӕ ӕмӕ дунейы уӕлахиздзау, бирӕнымӕц ерысты призер.