ЦХИНВАЛ, 28 апр — Sputnik. Къарджиаты Эльбрус балхынцъ кодта йæ куыст Уæрæсейы æххæстбарджын минæвары бынаты Хуссар Ирыстоны, уый тыххæй дипломат фехъусын кодта Sputnik.
Йæ мисси балхынцъ кæныны фæдыл Къарджиаты Эльбрус сарæзта райст Цхинвалы, фæлæ йæ ныхæстæм гæсгæ, уый нæ нысан кæны æмæ æвиппайды ацæудзæн республикæйæ.
Къарджиаты Эльбрусы ныхæстæм гæсгæ, уый æнхъæлмæ кæсы æмбæлон указы бафыстмæ æмæ ног минæвары снысанмæ æввахс рæстæджы.
УФ минæвар зæрдыл æрлæууын кодта, Хуссар Ирмæ кæй æрцыд аст азы размæ.
"Уый уыд ахсджиаг политикон къахдзæф, байгом Уæрæсейы минæварад республикæйы. Уæдæй нырмæ рацыд 8 азы, æввахс рæстæджы рацæудзæн указ, фæлæ нырма республикæйæ нæ цæуын", — загъта минæвар.
Къарджиаты Эльбрус лæууы уæрæсейаг дипломатон миссийы сæргъ 2008 азы кæронæй фæстæмæ. Йæ къухдариуæгады рæстæджы арæзт æрцыд минæварадон комплекс Цхинвалы.