Дзӕуджыхъӕу

Дзӕуджыхъӕу йӕхи цӕттӕ кӕны симпозиум "Аланика"-мӕ

27
(ранӕуӕггонд 13:51 28.07.2015)
Фарастӕм ӕхсӕнадӕмон аивадон симпозиумы хайад райсдзысты нывгӕнджытӕ дунейы ӕндӕр ӕмӕ ӕндӕр бӕстӕтӕй.

ЦХИНВАЛ, 28 июл — Sputnik. Цӕгат Ирыстоны байгом уыдзӕн IX ӕхсӕнадӕмон аивадон симпозиум "Аланика", хъусын кӕны 15 регион.

Симпозиум уагъд цӕудзӕн Дзӕуджыхъӕуы 1-15 августы.

"Ацы аз симпозиумы темӕ уыдзӕн "Аивад XXI ӕнусы", хайад дзы райсдзысты нывгӕнджытӕ Уӕрӕсе, АИШ, Стыр Британи, Гуырдзыстон, Иран, Эквадор ӕмӕ ӕндӕр бӕстӕтӕй", — дзырдӕуы хъусинаджы.

Симпозиум цытджын ӕгъдауӕй байгом уыдзӕн 3 августы.

Мадзал уагъд цӕуы Нырыккон аивады паддзахадон центры цӕгат-кавказаг филиалы ӕмӕ ӕнӕкоммерицион фонд "Арт Кавказ"-ы хъӕппӕрисӕй Уӕрӕсейы культурӕйы министрады ӕххуысӕй.

27