Мандарины

Цӕгат Иры скуынӕг кодтой 20 тонны санкцион мандаринтӕ

14
УФ-йы территоримӕ мандаринтӕ ӕрбаластой, куыд гуырдзыстойнаг, фӕлӕ эксперттӕ сбӕрӕг кодтой, мандаринтӕ ласт кӕй сты Хуссар Европӕйӕ, цӕй фӕстиуӕгӕн хауынц санкцион базайрагты хыгъдмӕ.

ЦХИНВАЛ, 16 фев — Sputnik, Биазырты Дзерассӕ. Цӕгат Ирыстоны таможнӕйы кусджытӕ скуынӕг кодтой санкцион базайраджы стыр парти.

Ивгъуыд мӕйы кӕрон уадзӕн пункт Уӕллаг Ларсы конфискаци ӕрцыд 20 тонн мандаринтӕ. УФ-йы территоримӕ мандаринтӕ ӕрбаластой, куыд гуырдзыстойнаг, фӕлӕ эксперттӕ сбӕрӕг кодтой, мандаринтӕ ласт кӕй сты Хуссар Европӕйӕ, цӕй фӕстиуӕгӕн хауынц санкцион базайрагты хыгъдмӕ.

Таможнӕйон управленийы Sputnik куыд фехъусын кодтой, афтӕмӕй таможнӕйон органтӕ конфискацигонд базайраг хъуамӕ ӕрвитой социалон хъахъхъӕнынады органтӕ ӕмӕ сывӕллӕтты хӕдзӕрттӕм, фӕлӕ закъондӕттынады ис бӕлвырд арӕнтӕ.

"Закъонмӕ гӕсгӕ ис ранымад, кӕцымӕ гӕсгӕ социалон хъахъхъӕнынады органтӕ ӕмӕ сывӕллӕтты хӕдзӕрттӕм бар нӕй хӕлцы продукттӕ, ӕрмӕстдӕр фыццаг ӕнӕмӕнгхъӕуӕгдзинады дзауматӕ ӕмӕ дарӕс", — радзырдта Цӕгат Ирыстоны сӕйраг паддзахадон таможнӕйон инспектор Олег Самарский.

Таможнӕйы минӕвар бахахх кодта, архайгӕ Уӕрӕсейаг закъонмӕ гӕсгӕ бар кӕй нӕй социалон хъахъхъӕнынады органтӕм санкцион базайраг ӕрвитын.

Мандаринты парти ӕрцыд конфискаци ӕмӕ куынӕг. Цитрусон продукцийыл алӕгӕрстой уӕззау бульдозерӕй.

14