Нузалы моладзандон

Епископ Леонид: Зругъ ӕмӕ Нузалы моладзандонтӕ ӕрцӕудзысты реставраци

9
(ранӕуӕггонд 10:28 21.10.2016)
Нузалы аргъуаны хъӕуы среставраци кӕнын фрескӕтӕ, Зругъы аргъуан та ныридӕгӕн хаст ӕрцыд федералон программӕ "Культура России"-мӕ.

ЦХИНВАЛ, 21 окт — Sputnik, Болататы Алинӕ. Зругъ ӕмӕ Нузалы аргъуантӕ среставраци кӕныны фӕдыл куыст цӕуы активонӕй, афтӕ ма дарддӕр цӕуы Цӕгат Ирыстоны чырыстон бӕлццӕтты маршруттӕ ӕмӕ центртыл бакуыст, фехъусын кодта пресс-конференцийы рӕстӕджы епископ Дзӕуджыхъӕуккаг ӕмӕ Алайнаг Леонид.

Зругъы аргъуан ныридӕгӕн хаст ӕрцыд федералон программӕ "Культура России"-мӕ. Епископы ныхӕстӕм гӕсгӕ, уырдӕм бацыд экспертон къамис, кӕцы сарӕзта профессионалон хатдзӕг объекты фӕдыл ӕмӕ радта йӕ рекомендацитӕ.

Нузалы аргъуаны та хъӕуы среставраци кӕнын фрескӕтӕ.

Епископ куыд банысан кодта, афтӕмӕй епархи архайы, цӕмӕй Нузалы историкон бынтимӕ куса профессионалты къорд.

"Уый у тынг гуырахст процесс, иу боны процесс нӕу ӕмӕ иу азы дӕр. Цӕмӕй республикӕйы фидыц ӕмӕ хъалгӕнӕн бахъахъхъӕнӕм рӕзгӕ фӕлтӕртӕн", — банысан кодта епископ Леонид.

Уый ма радзырдта, Цӕгат Ирыстоны чырыстон бӕлццӕтты маршруттӕ ӕмӕ центртӕ саразыныл цы куыст цӕуы, ууыл.

"Мах ныртӕккӕ бакуыстам цалдӕр маршрутыл. Ӕрбангом кодтам специалистты. Ӕрӕджы фембӕлдыстӕм РЦИ-Аланийы туризмы фӕдыл комитеты сӕргълӕууӕг Гӕджиты Вильямимӕ. Ныртӕккӕ ӕвзарӕм ном нӕ чырыстон бӕлццонон службӕйӕн", — загъта епископ.

Йӕ фыццаг пресс-конференцийы рӕстӕджы сентябры, епископ Леонид ӕрдзырдта Ирыстоны территорийыл чырыстон бӕлцӕтты центр саразыны нывӕзттыл дӕр. Банысан кодта, республикӕйы кӕй ис бирӕ сыгъдӕг бынӕттӕ, кӕцытӕ сты аккаг рӕстдинон бӕлццӕтты хъусдардӕн. Дзӕуджыхъӕуккаг ӕмӕ Алайнаг епархийы сӕргълӕууӕг ма равдыста ныфс, ӕввахс рӕстӕджы Ирыстон кӕй суыдзӕн рӕстдинон бӕлцӕтты дунейон центртӕй иу.

9