ЦХИНВАЛ, 25 сен — Sputnik. Цæгат Ирыстоны Ӕрыдоны районы цыппар машинæйы хайадистæй фæндагон-транспортон цауы (ФТЦ) фæстиуæгæн фæмард сты дыууæ адæймаджы, аварийы ма зиан баййæфтой аст адæймаджы, хъусын кæны РИА Новости регионалон МХМ-ыл æнцойгæнгæйæ.
"Развæлгъау информацимæ гæсгæ, Дзæуджыхъæу-Чикола-Вескен-2 фæндагыл Сырх-Дыгуры хъæуы 21–аздзыд цæрæг автомашинæ "ГАЗ-3110"-ыл скъæргæйæ сæмбæлд автомашинæ Ford-ыл. Цæфы фæстæ "Волга" сæмбæлд ноджы дыууæ автомашинæйыл", — радзырдтой цауы тыххæй мидхъуыддæгты министрады.
Райсгæ цæфтæй фæсарæйнаг машинæйы шофыр амард рынчындоны. Мæлæтдзаг цæфтæ ма райста "Волга"-йы 21-аздзыд пассажир. Ноджы ма æхсæз зианбаййафæджы алыхуызон цæфтимæ фæхæццæ кодтой республикæйы рынчындæттæм, се ′хсæн ис 11 къласы скъоладзау. Аварийы æууæлтæ нырма дæр цæуынц бæлвырд.
