Хуссар Иры паддзахадон театры труппӕ

Хуссар Иры паддзахадон театры труппӕ баххӕст уыдзӕн ӕвзонг курдиӕттӕй

20
(ранӕуӕггонд 17:19 16.10.2015)
Хуссарирыстойнаг театрӕн ӕвзонг курдиатджын кадртӕ цӕттӕ кӕндзысты Мӕскуы ӕмӕ Дзӕуджыхъӕуы ахуыргӕнӕндӕтты.

ЦХИНВАЛ, 5 окт — Sputnik. Хуссар Ирыстоны паддзахадон драмон театры къухдариуӕгад фӕнд кӕны Мӕскуыйы Михаил Щепкины номыл театралон ахуыргӕнӕндоны ирон студи бакӕнын, фехъусын кодта Sputnik театры директор ӕмӕ аивадон къухдариуӕггӕнӕг Къацты Филипп.

Хетӕгкаты Къостайы номыл Хуссар Ирыстоны паддзахадон драмон театр ӕвзары ӕвзонг актерты цухдзинад. Спектаклтӕ ӕвӕргӕйӕ, режиссертӕн зын вӕййы ӕвзонг фӕлгонцтӕм актертӕ ссарын — артисттӕ иууылдӕр сты 30 азы карӕй уӕлӕмӕ.

"Иууыл стырдӕр ӕнтыст махӕн уыдзӕн, ӕввахс азты нын куы бантыса студи бакӕнын. Ныридӕгӕн архайӕм ацы хъуыддагыл", — банысан кодта директор.

Афтӕ ма, Къацты Филиппы ныхӕстӕм гӕсгӕ, труппӕ ‘взонг курдиатджын актертӕй баххӕст кӕныны оххыл Цӕгат Ирыстоны паддзахдон университеты аивӕдты факультетмӕ ахуырмӕ ӕрвыст ӕрцыдысты фондз хуссарирыстойнаг рауагъдоны.

Театры директор ма куыд банысан кодта, афтӕмӕй, ӕвзонг кадртӕ бацӕттӕ кӕныны сӕраппонд Хуссар Ирыстоны паддзахадон университеты бындурыл дыууӕ азы размӕ фӕнд кодтой актерон факультет бакӕнын.

"Уӕд нӕ коллективы иу къорд ӕмбӕлд скъолайы рауагъдон кълӕсты ахуырдзаутимӕ ӕмӕ ӕвзӕрстой актеры дӕсниадмӕ ӕвзыгъд фӕсивӕд. Хъыгагӕн, йӕ фидӕн сценӕимӕ сбӕттын кӕй фӕндыд, ахӕмтӕ бирӕ нӕ разынд ӕмӕ уый тыххӕй факультет нал бакодтам. Фӕлӕ уӕд цӕсты чи бахауд, уыдон ныр арвыстам ахуырмӕ Цӕгат Ирмӕ", — загъта уый.

Хетӕгкаты Къостайы номыл Хуссар Ирыстоны паддзахадон драмон театры репертуары ис 11 спектаклы. 15 октябры Цхинвалы ӕнхъӕлмӕ кӕсынц театралон сезоны бакондмӕ, уый гом ӕрцӕудзӕн трагеди "Дзӕнӕты фӕндаг зындонмӕ"-йӕ.

2016 азы фыццаг ӕмбис коллектив бацӕудзӕн ногарӕзт бӕстыхаймӕ.

20