РХИ фӕсарӕйнаг хъуыддӕгты министрад

Хуссар Ирыстон цӕттӕ у ӕмгуыст кӕнынмӕ Ӕхсӕнадӕмон уголовон тӕрхондонимӕ

10
(ранӕуӕггонд 17:19 16.10.2015)
Ӕхсӕнадӕмон уголовон тӕрхондон райдайдзӕн сгарӕн куыстытӕ 2008 азы Хуссар Ирыстоны хӕсты фӕдыл.

ЦХИНВАЛ, 8 окт — Sputnik. Хуссар Ирыстон — ӕргом паддзахад цӕттӕ у Ӕхсӕнадӕмон уголовон тӕрхондонмӕ 2008 азы августы хӕсты фӕдыл ӕппӕт ӕрмӕг бавдисын, фехъусын кодта Sputnik РХИ фӕсарӕйнаг хъуыддӕгты министры хӕдивӕг Коцты Алан.

"Алкӕмӕн дӕр бӕлвырд у, 2008 азы Гуырдзыстон ӕрбабырста Хуссар Ирыстонмӕ, бӕрӕг сты ӕрбабырсты фӕстиуджытӕ — сӕдӕгай бабынуӕвӕг адӕм, стыр зиӕнттӕ, пырх инфраструктурӕ. Хуссар Ирыстоны скуынӕгӕй аирвӕзын кодта йӕ хъахъхъӕнджыты хъӕбатырдзинад ӕмӕ Уӕрӕсейы ӕххуыс", — загъта Коцты Алан.

Уый ма зӕрдыл ӕрлӕууын кодта, 2008 азы ӕмӕ уый фӕстӕ дӕр Хуссар Ирыстон кӕй сидт Ӕхсӕнадӕмон ӕмӕхӕсӕнадмӕ, "цӕмӕй саргъ кӕной Гуырдзыстоны архайдтытӕн, фӕлӕ сӕ хъусӕг нӕ уыд".

Ӕддагполитикон ведомствӕйы хистӕры хӕдивӕг Коцты Алан ма банысан кодта, ныфс ӕй кӕй ис, Гаагаг тӕрхондон рӕстагӕй кӕй басгардзӕн 2008 азы хӕстон архӕйдтытӕ.

10