Международная научная конференция в Цхинвале

Политолог: Хуссар Иры бацыд ЕАЭЦ-мæ уаид бынтон раст къахдзæф

17
(ранӕуӕггонд 18:06 28.10.2015)
Ныгуылæн разы нæу, цæмæй Хуссар Ирыстон фенгомдæр уа Уæрæсемæ æмæ ацы къахдзæфты ныхмæ исы æппæт мадзæлттæ, нымайы уæрæсейаг политолог Атайты Артур.

ЦХИНВАЛ, 28 окт — Sputnik. Политикон æмæ экономикон аспектты цæстæнгасæй Хуссар Ирыстоны бацыд Евразиаг экономикон цæдисмæ у раст къахдзæф. Уый нæ цæуы РХИ æмæ УФ-йы æхсæн интеграци æмæ æмгуыстганынады фæдыл бадзырды æмæ æндæр æхсæнадæмон документты ныхмæ, фехъусын кодта политикон зонæдты кандидат, Стратегион раиртæстыты уæрæсейаг институты уæлдæр зонадон кусæг Атайты Артур.

Цхинвалы уагъд цæуы æхсæнадæмон зонадон-практикон конференци " УФ æмæ РХИ-ы æхсæн æмцæдисон ахастыты райрæзт евразиаг интеграцийы контексты".

"Хуссар Ирыстоны бацыд ЕАЭЦ-мæ фадат ратдзæн æрмæст Кавказы геополитикон ландшафт фæивынӕн нæ, фæлæ ма сараздзæн ног дунейон прецедент. Хуссар Ирыстон Уæрæсейы скондмæ куы бацæуа, уæд уый уыдзæн дунейы фыццаг хатт, хæдбар паддзахад куы суа æндæр паддзахады хай", — загъта Атайты Артур.

Уый банысан кодта, ахæм къахдзæфимæ Ныгуылæн кæй не`вдисы разыдзинад, уымæн æмæ йæ нæ фæнды, цæмæй суа Уæрæсейы æмæ Хуссар Ирыстоны интеграцийы æвдисæн.

Уымæй дарддæр ма, политологы ныхæстæм гæсгæ, ацы къахдзæф республикæйы адæмæн ратдзæн серьезон импульс политикон, социалон, экономикон æмæ динон райрæзтæн.

Хуссар Ирыстон æмæ Уæрæсейы фенгомдæр кæныны æмæ Евразиаг экономикон цæдисы скондмæ бацæуыны пайдайыл конференцийы рæстæджы ӕрдзырдта президент Тыбылты Леонид дæр.

17