ЦХИНВАЛ, 7 дек — Sputnik. Хуссарирыстойнаг скъолаты историйы ахуыргæнджытæ, паддзахадон университеты æмæ зонадон-иртасæн институты кусджытæ æрæмбырд уыдзысты ахуыргæнджыты конференцийы, хъусын кæны официалон республикон портал МИА "Южная Осетия сегодня".
Историйы ахуыргæнджытæ æрдзурдзысты ирæтты традицитæ æмæ культурæйыл, афтæ ма ног цæстæнгасыл актуалон проблемæтӕм. Конференци арæзт цæуы Хуссар Ирыстоны ахуырад æмæ зонады министрады хъæппæрисæй.
Мадзал уагъд æрцæудзæн 15 декабры. Конференци арæзт цæуы 2015-2016 ӕзтæн ирон æвзаджы райрæзт, ахуырад æмæ бахъахъхъæныны фæдыл паддзахадон программæйы реализацийы фæлгæтты.