На занятии в университете юных математиков

Цхинвайлаг скъоладзаутӕ архайынц "Колмогоры кастыты" Дзӕуджыхъӕуы

21
(ранӕуӕггонд 17:33 12.02.2016)
Цхинвалы дыккӕгӕм, фӕндзӕм скъолатӕ ӕмӕ "Альбион"-ы ахуырдзаутӕ ӕвзонг математикты конференцимӕ бавдыстой сӕ проекттӕ.

ЦХИНВАЛ, 12 фев — Sputnik. Цхинвайлаг скъоладзаутӕ хайад исынц XII-ӕм регионалон зонадон-практикон конференци "Колмогоры кастыты" Дзӕуджыхъӕуы, фехъусын кодтой Sputnik ахуырад ӕмӕ зонады министрады.

Кастыты сӕйраг нысан у математикӕйы ахуырад раразмӕ кӕнын ӕмӕ курдиатджын ахуыргӕнинӕгты фарс балӕууын.

Конференцимӕ сӕ проекттӕ бавдисдзысты дыккӕгӕм, фӕндзӕм скъолатӕ ӕмӕ "Альбион"-ы ахуырдзаутӕ.

"Уыдон сӕ ахуыргӕнджытимӕ бацӕттӕ кодтой проекттӕ "Зеленые санитары города", "Модель транспортных потоков города" ӕмӕ "Золотое сечение вокруг нас", — радзырдта министрады кусӕг Цхуырбаты Вильма.

Конференцийы уӕлахиздзаутӕ, йӕ ныхӕстӕм гӕсгӕ, фӕбӕрӕг уыдзысты 18 февралы. Хайдисджытӕ райсдзысты сертификаттӕ, дипломтӕ ӕмӕ зӕрдылдарӕн лӕвӕрттӕ. Иууыл ӕнтыстджындӕртӕ та хайад райсдзысты ӕппӕтуӕрӕсейон конференцийы.

21