Военные учения на полигоне

Уӕрӕсейаг ӕфсӕддонтӕ Хуссар Иры ӕрӕвнӕлдтой тактикон ахуыртӕм

15
(ранӕуӕггонд 16:06 24.02.2016)
Ахуырты хайад исынц базӕйы мотострелкон, танкон, артиллерион ӕмӕ сӕрмагонд дӕлхӕйттӕ, ӕдӕппӕт Дзарцъемы полигонмӕ ракодтой 800 ӕфсӕддоны ӕмӕ 200 иуӕджы та сӕрмагонд техникӕ.

ЦХИНВАЛ, 24 фев — Sputnik. Уӕрӕсейаг ӕфсӕддон базӕйы дӕлхӕйттӕ Хуссар Ирыстоны ӕрӕвнӕлдтой тактикон ахуыртӕм Дзарцъемы полигоны, хъусын кӕны Хуссар ӕфсӕддон зылды пресс-службӕ.

Ахуырты хайад исынц базӕйы мотострелкон, танкон, артиллерион ӕмӕ сӕрмагонд дӕлхӕйттӕ, ӕдӕппӕт 800 ӕфсӕддоны ӕмӕ 200 иуӕджы та сӕрмагонд техникӕ.

"Ахуырты рӕстӕджы ӕфсӕддонтӕ базонгӕ уыдзысты танктӕ Т72А, фистӕджыты хӕстон машинӕ БМП-2, артиллерион ӕвӕрдтӕ "Акация"-йӕ ӕмӕ ӕндӕр хӕцӕнгӕрзтӕй ӕхсыны сусӕгдзинӕдтимӕ", — дзырдӕуы зылды хъусинаджы.

Уӕлдай хъусдард ахуырты рӕстӕджы аздахдзысты тох ӕнӕзонгӕ хӕххон уавӕрты уадзыны хиӕдтӕм ӕмӕ хӕстон машинӕтӕй ӕхсыны фӕлтӕрддзинад бафидар кӕнынмӕ.

15