Соревнования по джип-триалу в Южной Осетии

Хуссар Ирыстон суыдзæн автоспортивон ерыстæ уадзыны центр

14
(ранӕуӕггонд 12:35 25.02.2016)
Хуссар Ирыстоны парламенты спикер Бибылты Анатолий хорзыл банымадта республикæйы автомобилон спорты федераци саразыны хъæппæрис. Цыппæрæмы уый фембæлд "ТТК Моторспорт Ивентс"-ы сæргълæууæгимæ.

ЦХИНВАЛ, 25 фев — Sputnik. Хуссар Ирыстоны ис æппæт уавæртæ автоспорты райрæзтæн, уый тыххæй республикæйы саразын хъæуы автомобилон спорты федераци, загъта компани "ТТК Моторспорт Ивентс"-ы гендиректор Тимур Кафаров.

Кафаровимæ цыппæрæмы фембæлд парламенты спикер Бибылты Анатолий. Фембæлды рæстæджы уазæг банысан кодта, Хуссар Ирыстоны кӕй ис æппæт уавæртæ автомобилон ерыстæ ралли, драг-рейсинг, дрифтинг æмæ трофийæ уадзынæн.

"Автоспорты ацы хуызты райрæзты тыххæй республикæйы хъуамæ арæзт æрцæуа автомобилон спорты федераци. Гæнæн ис, дарддæр ацы ерыстæ уагъд цæуой арæхдæр, уый нымæцы суой æхсæнадæмон, уæрæсейаг спортсменты хайадистимæ", — загъта Кафаров.

Йæ ныхæстæм гæсгæ, бирæ командæтæ цæттæ сты республикæмæ æрцæуын, "уыдон цымыдис кæны Кавказаг регион, цыран ис цымыдисон æмæ аив фæндæгтæ æмæ рæсугъд æрдз". Уымæй дарддæр ма, хъарм климаты тыххæй Хуссар Ирыстон у оптималон бынат раллийы дисциплинæйы автотранспортон мадзæлттæ уадзынæн.

Бибылты Анатолий хорзыл банымадта республикæйы автомобилон спорты федераци саразыны хъæппæрис.

"Ахæм æнхъарæнтыл мах, кæй зæгъын æй хъæуы, разы стæм. Махæн ис цымыдисон бæстæ, цыран ис æппæт уавæртæ ахæм автоспортивон мадзæлттæ уадзынæн. Хорзыл нымайын республикæйы автомобилон спорты федераци саразыны хъæппæрис", — загъта уый.

"ТТК Моторспорт Ивентс" у Rally Masters Show-ы минæвар, кæцы Уæрæсе æмæ Европæйы организаци кæны автоспортивон мадзæлттæ, æмгуыстад кæны УФ-йы хицауадимæ автомобилон спорты райрæзты фарстыты.

пресс-служба РПП "Единая Осетия"
14