Председатель комитета информации и печати В.Гобозов

Гобозты Вячеслав сæрибар æрцыд РХИ мыхуыр æмæ информацийы комитеты сæргълæууæджы бынатæй

34
(ранӕуӕггонд 10:20 22.03.2016)
Хуссар Ирыстоны президент йæ къух цы указыл бафыста, уым дзырдæуы, зӕгъгӕ, уынаффæ ист æрцыд, Гобозты Вячеслав æндæр бынатмæ кæй цæуы, уый тыххæй.

ЦХИНВАЛ, 22 мар — Sputnik. Гобозты Вячеслав сæрибар æрцыд РХИ мыхуыр æмæ информацийы паддзахадон комитеты сæргълæууæджы бынатæй.
Президент Тыбылты Леониды æмбæлон указ æвæрд у республикæйы сæргълæууæджы сайтыл. Указы дзырдæуы, зӕгъгӕ, уынаффæ ист æрцыд, Гобозты Вячеслав æндæр бынатмæ кæй цæуы, уый тыххæй.

Цы бынаты фæллой кæндзæн Гобозты Вячеслав, кæцы æртæ азы дæргъы лæууыд мыхуыр æмæ информацийы комитеты сæргъ, нырма бæрæг нæу. Афтæ ма ницы информаци ис ведомствӕйы ног сæргълæууæджы тыххæй дӕр.

Sputnik мыхуыр æмæ информацийы комитеты куыд фехъусын кодтой, афтæмæй ацы бынатмæ гæнæн ис нысан æрцæуа специалист Цæгат Ирыстонæй.

34