СИУИ расидт зонадон куыстыты конкурс Хуссар Ирыстоны проблематикæйы фæдыл

© Sputnik / Михаил ХасиевРХИ хицауады агъуыст
РХИ хицауады агъуыст - Sputnik Хуссар Ирыстон
Рафыссын
Конкурсы нысан у зонад æмæ зонадон иртасæнтæ æхсæнады рапарахат кæнын, паддзахадон хицауады органтæ æмæ дзыллæйады хъусдард аздахын Хуссар Ирыстоны паддзахаддзинады размæцыды проблемæтæм.

ЦХИНВАЛ, 1 апр — Sputnik. Стратегион иртасæны уæрæсейаг институт (СИУИ) расидт зонадон куыстыты конкурс хуссарирыстойнаг æрыгон ахуыргæндты ӕхсӕн. Конкурсы райдайæны тыххæй информаци ссарæн ис УИСИ-ы сайтыл.

Конкурсы темæ у "Хуссар Ирыстон: паддзахаддзинады размæцыды перспективæтæ æмæ Уæрæсейы интеграцион процестæ".

Конкурсы нысан у зонад æмæ зонадон иртасæн æхсæнады рапарахат кæнын, паддзахадон хицауады органтæ æмæ дзыллæйады хъусдард аздахын Хуссар Ирыстоны паддзахаддзинады размæцыды проблемæтæм, афтæ ма республикæйы иууыл æвзыгъддæр æрыгон ахуыргæндты разæнгард кæнын.

Конкурсы хайад райсыны фадат ис 35 азы кары онг æрыгон ахуыргæндтæн, кæцытæ кусынц кæнæ ахуыр кæнынц РХИ зонадон уагдæтты æмæ уæлдæр ахуырадон уагдæтты, куысты бынат æмæ ахуырадон къæпхæнмæ æнæкæсгæйæ.

УИСИ-йы хъусинагмæ гæсгæ, зонадон куыстыты приоритетон темæтæ сты: Хуссар Ирыстоны роль Кавказы, Хуссар Ирыстоны 21 æнусы геополитикон ориентиртæ, уæрæсейаг æмæ æхсæнадæмон экономикон тыгъдадмæ Хуссар Ирыстоны интеграцийы проблемæтæ æмæ æндæртæ.

Конкурсы лауреаттæ хорзæхджын æрцæудзысты фыццаг, дыккаг æмæ æртыккаг къæпхæнты дипломтæй, афтæ ма 50, 40 æмæ 30 мин сомы æхцайы премитæй.

Ног хабӕртты лентӕ
0