Генеральный прокурор Южной Осетии Урузмаг Джагаев

Дзӕгъиаты Уырызмӕг Фридоны фырт. Биографи

11
Дзӕгъиаты Уырызмӕг нысан ӕрцыд Хуссар Ирыстоны генералон прокурорӕй.

ЦХИНВАЛ, 5 апр — Sputnik. Хуссар Ирыстоны парламент сфидар кодта Дзæгъиаты Уырызмæджы кандидатурӕ республикӕйы генералон прокуроры бынатмӕ. Дзæгъиаты Уырызмæджы кандидатурæ депутатты ӕркастмӕ раздæр бавдыста президент Тыбылты Леонид.

Биографи

Дзӕгъиаты Уырызмӕг Фридоны фырт райгуырд 23 январы 1966 азы, Знауыры районы Хӕрисджыны хъӕуы.

У Республикӕ Хуссар Ирыстон ӕмӕ Уӕрӕсейы Федерацийы ӕмбӕстаг.

Каст фӕцис Цӕгат Ирыстоны паддзахадон университеты юридикон факультет 1990 азы.

Ис ын юстицийы булкъоны цин.

1990-2014 ӕзты куыста УФ мидхъуыддӕгты министрады слестгӕнӕн органты, уыд горӕт Сочийы мидхъуыддӕгты управленийы сӕргълӕууӕг.

2014 азы нысан ӕрцыд коммерцион куыстуат "Маркет"-ы гендиректорӕй.

Хорзӕхджын ӕрцыд УФ ӕмӕ РХИ паддзахадон хорзӕхтӕй, се ‘хсӕн дыккаг къӕпхӕны майданӕй "За заслуги перед Отечеством", майдан "В ознаменование 25-летия РЮО". Афтӕ ма 2016 азы хорзӕхджын ӕрцыд РХИ Хӕлардзинады Орденӕй.

Ис ын бинонтӕ, иу фырт ӕмӕ иу чызг.

11