Мæскуыйы паддзахадон университет

Хуссар Ир æмæ Уæрæсейы дыууæ сæйраг университеты бадзырдтой æмгуыстадыл

9
(ранӕуӕггонд 13:25 15.04.2016)
ХИПУ æмæ МПУ фæнд кæнынц иумæйаг зонадон иртæст, зонадон-практикон æмæ зонадон-методикон симпозиумтæ уадзын, фæлтæрддзинад дих кæнын, æфтæ ма иу университеты ахуыргæнджытæ иннæ университеты лекцитæ кæсыныл.

ЦХИНВАЛ, 15 апр — Sputnik. Хуссар Ирыстоны паддзахадон университет (ХИПУ) æмæ Мæскуыйы паддзахадон университет (МПУ) бафыстой æмгуыстады фæдыл бадзырд, фехъусын кодтой Sputnik ХИПУ-йы пресс-службæйы.

Бадзырдыл Мæскуыйы сæ къухфысттæ æрæвæрдтой МПУ-ы ректор Виктор Садовничий æмæ ХИПУ-ы ректор Тедеты Вадим.

"Бадзырды ис 11 пункты. Уæлдæр ахуырадон уагдæттæ бадзырдтой кæрæдзийæн зонæдты дохтыр æмæ кандидаты зонадон къæпхæнтæ райсыны фæдыл диссертацитæ цæттæ кæнын æмæ бахъахъхъæнынæн ахъаз кæнын. Иумæйаг зонадон-практикон ӕмæ зонадон-методикон симпозиумтæ, конференцитæ æмæ æндæр мадзæлттæ уадзын", — загъта университеты минæвар.

Уымæй дарддæр ма ХИПУ æмæ МПУ фæнд кæнынц иумæйаг зонадон иртæстытӕ уадзын, фæлтæрддзинад дих кæнын, æфтæ ма иу университеты ахуыргæнджытæ иннæ университеты лекцитæ кæсын. Хайад исдзысты ахуырадон, зонадон æмæ æндæр æхсæнадæмон программæты, конкурсты æмæ æндæр проектты.

Ректоры ЮОГУ и МГУ договорились о сотрудничестве.
Пресс-служба ЮОГУ
Тедеты Вадим МПУ-ы библиотекæйæн балæвар кодта хуссарирыстойнаг университеты ахуыргæндты чингуытæ

Виктор Садовничий загъта, ХИПУ æмæ МПУ-ы æхсæн æмгуыстад кæй у ахсджиаг æмæ дзырд радта хуссарирыстойнаг уæлдæр ахуырадон уагдонæн æххуыс кæнын.

"Тедеты Вадим райст æрцыд Уæрæсейаг ректорты цæдисмæ. Виктор Садовничий йын радта æмбæлон бæлвырдгæнæн. ХИПУ-ы ректор райста хайад университетты евразийаг ассоциацийы цæдисы куысты, цыран уыдысты уæрæсейаг раззагондæр ахуырадон уагдæтты ректортæ, афтæ ма Белорус, Казахстан, Азербайджан, Сомихстон, Киргизи æмæ æндæр бæстæты сæйраг паддзахадон университетты къухдариуæггæнджытæ", — загътой ХИПУ-ы пресс-службæйы.

Тедеты Вадим МПУ-ы библиотекæйæн балæвар кодта хуссарирыстойнаг университеты ахуыргæндты чингуытæ.

2015 азы апрелы ХИПУ райст æрцыд Университетты евразийаг ассоциацимæ, кæцыйæн разамынд дæтты Виктор Садовничий.

9