Фӕткхалӕджы ӕрцахст

Цхинвалы цӕрӕг бафӕлвӕрдта йӕ хӕдзар ссудзын

3
(ранӕуӕггонд 17:07 08.11.2016)
Цауы бынатмӕ ацӕуӕг Цхинвалы Мидхъуыддӕгты управленийы кусджытӕ сӕнӕзианхъом кодтой бынӕттон цӕрӕджы, кӕцы бафӕлвӕрдта бафтауын арт йӕ хӕдзарыл.

ЦХИНВАЛ, 8 ноя — Sputnik. Цхинвалы цӕрӕг бафӕлвӕрдта йӕ хӕдзарыл арт бафтауын, уый фӕстӕ та гарзджын ныхмӕлӕуд равдыста Хуссар Ирыстоны мидхъуыддӕгты министрады кусджытӕм, хъусын кӕны барадхъахъхъӕнӕг уагдоны пресс-службӕ.

Цхинвалы мидхъуыддӕгты управленимӕ ивгъуыд къуыри фӕдзырдта горӕты цӕрӕг, кӕцы фехъусын кодта, йӕ лӕппу кӕй бафӕлвӕрдта бензины руаджы йӕ хӕдзар ссудзын.

"Цауы бынатмӕ цы оперативон къорд фӕхӕццӕ, уый сбӕлвырд кодта, фӕткхалӕг йӕ фыды хӕцӕнгарзимӕ кӕй фӕлӕууыд милицийы кусджыты ныхмӕ, фӕлӕ йӕ сӕнӕзианхъом кождтой ӕмӕ йӕ ӕрцахстой. Байст ӕрцыд цуаноны хӕцӕнгарз ӕмӕ уымӕ16 калибр нӕмгуытӕ", — дзырдӕуы хъусинаджы.

Ныртӕккӕ барадхъахъхъӕнӕг органтӕ бӕлвырд кӕнынц инциденты ӕууӕлтӕ.

3