Тренажерон зал

Тыбылты Леонид бакодта ног тренажерон зал Ногхъӕуы фӕсивӕдӕн

15
(ранӕуӕггонд 15:07 03.02.2017)
Хуссар Ирыстоны физикон культурӕ ӕмӕ спорты райрӕзты концепци "Ӕнцонвадат спорт" финансгонд цӕуы президентон фондӕй.

ЦХИНВАЛ, 3 фев — Sputnik. Тыбылты Леонид бакодта тренажерон зал Хуссар Ирыстоны Цхинвалы районы Ногхъӕуы.

Ногхъӕуы тренажерон зал ифтонг у президентон фонды ӕхцайы фӕрӕзтӕй ӕлхӕд нырыккон тренажертӕй. Спортивон объект баконд ӕрцыд Хуссар Ирыстоны физикон культурӕ ӕмӕ спорты райрӕзты концепци "Ӕнцонвадат спорт"-ы фӕлгӕтты, Цхинвал ӕмӕ республикӕйы арӕзт ӕндӕр объектты ӕмрӕнхъ.

Мадзалы райдианы Тыбылты Леонид банысан кодта фӕсивӕды ӕнӕниз ӕвдӕлон рӕстӕг организацийы ахсджиагдзинад.

"Ацы спортивон зал нӕу фыццаг, кӕцы гом кӕнӕм. Ахӕм залтӕ ис республикӕйы ӕндӕр районты дӕр, афтӕ ма горӕт Цхинвалы. Уыдӕттӕ арӕзт цӕуынц нӕ фӕсивӕдӕн, цӕмӕй сӕ сӕрибар рӕстӕг ӕрвитой ӕнӕниздзинадӕн пайдаимӕ. Нӕ сывӕллӕттӕ хъуамӕ исой хорз ахуырад ӕмӕ уый ӕмрӕстӕджы ӕнӕмӕнгӕй хъуамӕ хӕст уой спортыл", — загъта президент.

Президенты ӕрбацыдӕй спайда кодтой бынӕттон цӕрджытӕ, уыдон радзырдтой хъӕуы ахсджиаг проблемӕты тыххӕй. Фарстытӕн сӕ фылдӕр баст уыдысты цӕрӕнуатон ӕмӕ социалон фарстытимӕ.

Тыбылты Леонид загъта, цӕмӕй хъӕуккӕгтӕ бацӕттӕ кӕной куырдиӕттӕ паддзахады сӕргълӕууӕджы номыл ӕмӕ лӕмбынӕг ныффысой сӕ проблемӕтӕ сӕ дарддӕры райхӕлды тыххӕй.

Уый ма бахӕс кодта хицауады сӕрдары хӕдивӕг Пухаты Эрикӕн районы футболон фӕзуат ӕмӕ сывӕллӕтты фӕзуаты арӕзтады фарстыл бакусын.

15