ЦХИНВАЛ, 2 мар — Sputnik, Босыкты Наталья. Студентон клуб "Аполлон" ӕртыццӕджы банысан кодта йӕ 45-азон юбилей. Куысты боны кӕрон алы фӕлтӕрты "аполлонӕгтӕ" ӕрӕмбырд сты университеты бӕстыхайы, 45 азы размӕ ӕмхъуыдыгӕнджыты легендарон клуб цы бынаты сырӕзт, уырдӕм. Клубы бындурӕвӕрӕг ӕмӕ ӕнӕаивгӕ къухдариуӕггӕнӕг Саулохты Тамарайыл дуӕртты раз сӕмбӕлдысты клубы ветерантӕ ӕмӕ архайгӕ уӕнгтӕ.
Аполлонӕгты Хуссар Иры зоны алчидӕр. Клуб фыццаджыдӕр зындгонд у хӕхтӕм цыдӕй. Алы сӕрд дӕр хӕрзуынд уарзджытӕ ацӕуынц балцыты ӕмӕ ныр дӕр, 45 азы фӕстӕ Хуссар Иры баззад бирӕ ӕфцгуытӕ, хохы цъуппытӕ, кӕмттӕ, цы ран клуб нырма йӕ къах нӕ ӕрӕвӕрдта.
Фӕлӕ хӕхтӕ сты "Аполлоны" къаннӕг цымыдис. Практикон ӕгъдауӕй, клуб ӕрвылкъуыри уадзы аивад, зонад, спорты минӕвӕрттимӕ ӕмбырдтӕ.
Клубӕн ис мингай уӕнгтӕ. Раздӕры аполлонӕгтӕ нӕ вӕййы. Клубы уӕвынады традицитӕ бирӕ бинонтӕм хизынц фӕлтӕрӕй фӕлтӕрмӕ. Ӕртыццӕджы ӕмхъуыдыгӕнджытӕ цин кодтой кӕрӕдзийыл — дих кодтой сӕ мысинӕгтӕ ӕмӕ сӕрдмӕ нывӕзттӕ. Клуб нывӕнды саразын хохмӕ сцыд юбилейы цытӕн.
Клубы президент Кацты Олесяйы ныхӕстӕм гӕсгӕ, юбилейы цытӕн ӕххӕстмасштабон бӕрӕгбон уагъд кӕй ӕрцӕудзӕн ацы аз августы, цӕмӕй райгуырӕн бӕстӕйӕ дард чи у, уыцы аполлонӕгтӕ дӕр ӕрцӕуой ӕмӕ хайад райсой мадзалы.
"Хъагагӕн, нӕ ӕмклубӕгтӕй бирӕтӕ цӕрынц райгуырӕн бӕстӕйӕ дард ӕмӕ ӕрцӕуынц ӕрмӕст сӕрды. Мах ныфс ис, нӕ юбилей кӕй банысан кӕндзыстӕм ногарӕзт университетон комплексы ӕмӕ уым кӕй ӕрӕмбырд уыдзысты "Аполлоны" уӕнгтӕ иууылдӕр. Афтӕ ма мах фӕнд кӕнӕм нӕ юбилейӕн иу хӕрдмӕсцыд снывонд кӕнын дӕр", — загъта уый.
"Аполлон"-ӕн ма йӕ юбилейы цытӕн раарфӕ кодта Хуссар ирыстоны хицауады сӕрдары хӕдивӕг Пухаты Эрик дӕр. Уый бакаст президенты арфӕйы тел, цы ран Тыбылты Леонид банысан кодта йӕ сӕрыстырдзинад клубы бындурӕвӕрӕг Саулохты Тамарайӕ, кӕцы бахаста стыр хайбавӕрд республикӕйы фӕсивӕды патриотикон ӕмӕ эстетикон хъомыладмӕ.
"Аполлон"-æн ис хъæзныг æмæ цымыдисон истори, æнгом коллективæн йæ ном хъуыстгод у Ирыстоны. Клубы уæнгты хицæн кæны энтузиазм, нысанмæздæхтдзинад æмæ райгуырæн бæстæмæ, йæ истори æмæ рæсугъд æрдзмæ уарзондзинад. Уый та у йæ бындурæвæрæг æмæ æнӕаивгӕ къухдариуæггæнæг, æппæт республикæ сæрыстыр кæмæй у, уый — Тамара Николайы чызджы сгуыхтдзинад. Уникалон адæймаг, кæцы схъомыл кодта нæ бæстæйæн цалдæр фæлтæр аккаг гоймæгтæ", — дзырдæуыд арфæйы раныхасы.
Мадзалы дарддæр гитарæйы аив зæлтимæ æххæст кодтой кодтой "Аполлон"-ы гимн. Клубы уæнгты, хъæрмуд бинонтау, кæрæдзи цурæй сæ къах нал хаста.
Абон клубы ветерантæм бамбал сты сæ сывæллæттæ дæр, уыдон тырныц хæхтæм балц кæнынмæ, сæ ныййарджыты тындзынадӕй хæхæтæм, райгуырæн бæстæм уарзондзинадӕй уыдон дæр ӕнӕхай нӕ фесты.
