РХИ президент Тыбылты Леонид

Президент ныфс æвæры стыр кадрон ивындзинæдтæй ног æмгъуыды

14
Архайгæ президент фехъусын кодта журналисттæн, кæд æмæ йæ фæстæмæ равзарой, уæд хицауады структурæтæм хондзæн кусынмæ æвзонг профессионалты

ЦХИНВАЛ, 24 мар — Sputnik. Хуссар Ирыстоны президент Тыбылты Леонид ныфс бавӕрдта стыр кадрон ивындзинæдтæй, кæд æмæ йæ ногæй равзарой 9 апрелы, уӕд.

"Ӕз фидарæй дзурын, кæд Хуссар Иры адæм мæныл се ʻууæнк бафтауой, уæд ног ӕмгъуыдмӕ республикæ бахиздзæн ног командæимæ. Ивындзинæдтæ бандавдзысты районты, горæтты къухдариуӕгадтыл æмæ æндæр структурæтыл", — загъта Тыбылты Леонид Цхинвалы йæ пресс-конференцийы рæстæджы.

Уый бахахх кодта, кæд фæуæлахиз уа, уæд ӕрхондзæн хицауады структурæтæм æвзонг специалистты, кæцытæ райстой хорз ахуырад æмæ сты профессионалтæ.

"Мах кусыдзыстæм ууыл, цæмæй нæ командæйы кусой ахæм специалисттæ, кæцытæ тырнынц республикæйы размæцыдмæ", — бафтыдта республикæйы хистæр.

Хуссар Ирыстоны президентон æвзæрстытæ æмæ референдум нысан æрцыдысты 9 апрельмæ. ЦӔК президенты бынатмæ кандидаттæй срегистраци кодта архайгæ президент Тыбылты Леониды, парламенты спикер Бибылты Анатолийы æмæ ПӔК кусæг Гаглойты Аланы.

14