Ӕрдæгарæзт БХЦ "Империал" Цхинвалы центры скусдзæн æрдæгазы фæстæ

© Sputnik / Наталья АйриянӔрдӕгарӕзт базарадон центр Цхинвалы
Ӕрдӕгарӕзт базарадон центр Цхинвалы - Sputnik Хуссар Ирыстон
Рафыссын
Ӕрдæгарæзт бæстыхай хуссарирыстойнаг столицæйы центры фыццаг æвзæрын кодта бирæ фарстытæ цæрджытæм, фæлæ цалдæр азмæ цхинвайлæгтæ сахуыр сты æддейæ бакæсгæйæ зæрдæмæдзæугæ, фæлæ нырма дæр чи не ′скуыста, уыцы базарадон центрыл Джиоты Аланы проспектыл

Хъотайты Мария

Базарадон — хиирхæфсæн комплекс "Империал" цхинвайлæгтæн йæ дуæрттæ æрбайгом кæндзæн ацы аз октябры, радзырдта Sputnik арæзтады къухдариуæггæнæг Хъуылымбегты Знауыр.

Арæзтады истори

3, 5 мин квадратон метры бæрц базарадон — хиирхæфсæн комплексы арæзтад райдыдта 2012 азы. Уæд бæстыхай арæзт цыд рæвдз темптæй æмæ фондзуæладзыгон бæстыхай акаст Цхинвалæн традицион дыууæуæладзыгон хæдзæртты сæрты. Фæлæ стæй арæзтад ныллæууыд.

БХЦ-ы арæзтады æвæрд æрцыд 65 млн сомы. Фæлæ, аразджыты ныхæстæм гæсгæ, кризис, доллары курсы фæбæрзонддæр æмæ æндæр аххосæгтæ бахъыгдардтой амалиуæггæнæнджыты арæзтад балхынцъ кæнын.

© Sputnik / Наталья АйриянӔрдӕгарӕзт базарадон центр Цхинвалы
Недостроенный торговый центр Империал - Sputnik Хуссар Ирыстон
Ӕрдӕгарӕзт базарадон центр Цхинвалы

Ныртæккæ проблемæ иуварсгонд æрцыд Инвестицион агентады фæрцы, кæцы уый размæ та рахицæн кодта кредиттæ кафе Vincenzo æмæ фыдызгъæлы завод "Растдон"-ы арæзтадæн.

Объекты арæзтаты къухдариуæггæнæг Хъуылымбегты Знауыр куыд загъта, афтæмæй кредит лæвæрд æрцыд аст азмæ.

"Арæзтадон куыстытæ кæронмæ бакæныны тыххæй хъæуы ноджы 90 млн сомы. Ацы фæрæзтæ мах райсдзыстæм Инвестицион агентады уылты аст азмæ кредиты хуызы", — загъта Хъуылымбегты Знауыр.

Сæйраг куыстытæ бæстыхайы ныридæгæн фесты, ныртæккæ кусджытæ æххæст кæнынц хæрзарæзтадон куыстытæ.

Ацаходын, хи аирхæфсын, балхæнын

Цхинвалы центры фондзуæладзыгон бæстыхайы æрбынат кæндзысты уæлæдарæсы бутиктæ, гастрономтæ, афтеччытæ. Цалынмæ хистæр кары адæм æлхæнинæгтыл зилой, уæдмæ сабитæн фадат уыдзæн рæстæг аттракционыл æмæ хъазæн фæзуæттыл арвитын. Фæстаг уæладзыгыл та æрбайгом уыдзысты сæрдыгон æмæ зымæгон кафетæ.

"Фыццаг уæладзыгыл уыдзысты дуканитæ, афтеччытæ, цæттæ къæбиц. Дыккаг æмæ æртыккаг уæладзгытæ дих æрцæудзысты базарадон павильонтыл. Уæллаг дыууæ уæладзгуытыл та уыдзысты хиирхæфсæн комплекс, сывæллæтты хъазæн фæзуæттæ, сæрдыгон æмæ зымæгон кафетæ, афтæ ма фембæлдтæ æмæ алыгъуызон мадзæлттæ уадзыны фæдыл бæстыхæйттæ", — бамбарын кодта арæзтады къухдаиуæггæнæг.

© Sputnik / Наталья АйриянОбъекты арæзтаты къухдариуæггæнæг Хъуылымбегты Знауыр
Недостроенный торговый центр Империал - Sputnik Хуссар Ирыстон
Объекты арæзтаты къухдариуæггæнæг Хъуылымбегты Знауыр

Кæд æмæ арæзтад нырма нæ балхынцъ, уæддæр базарадон бынæттæн иууылдæр ис развæлгъау бадзырдтæ арендæйы фæдыл.

Нырма уал Хуссар Ирыстоны цæрджытæ хи ирхæфсын æмæ æлхæнинæгты фæдыл цæуынц сыхаг Дзæуджыхъæумæ. Уым ис цалдæр егъау базарадон — хиирхæфсæн центры, цы ран ис фадат алцыдæр балхæнын, сывæллæтты аирхæфсын, киномæ бацæуын. Кæд Цхинвалы æрбайгом уа аналогон комплекс, уæд чизоны æхцатæ нал цæуой нæ республикæйæн æддæмæ.

Ӕнæскъуыддзаг проблемæ

Ног базарадон-хиирхæфсæн центры иунæг æнарæзт проблемæ нырма дæр у автомашинæтæн парковкайы бынаты æнæуæвынад, бæстыхай ис цæрæн хæдзæрттæм æввахс, æмæ БХЦ арæзт кæм у — Джиоты Аланы проспект — уый бæрæг фæнарæгдæр фæндаг дихгæнæн хаххы фæстæ.

Дзырд цæуы, лæууæндон базарадон ценры фæстæ саразыныл, фæлæ уым ныры онг ис рагон, 1934 азы арæзт хæдзар. Ӕмæ ацы хæдзары цæрджытæ сты центр æмæ лæууæндоны арæзтады ныхмæ.

Хæдзары цæрджытæ Sputnik куыд загътой, афтæмæй уыдон "разы не сты сæ фатерты рудзгуыты бын кæй уыдзæн уынæрджын парковкæ æмæ сæ нæ фæнды уæй кæнын сæ хæдзар БХЦ "Империал"-ы хицæуттæн дарддæры ныппырхы тыххæй".

Ног хабӕртты лентӕ
0