РХИ хицауад

Тыбылты Леонид арвыста отставкӕйы йӕ командӕйӕ ноджы иу чиновникы

16
(ранӕуӕггонд 13:52 24.04.2017)
Ацы къуыри Тыбылты Леонид бафыста къорд барамынды, кæцытæм гæсгæ сæ бынæттæй сæрибар æрцыдысты йæ командæйы уæнгтæ

ЦХИНВАЛ, 21 апр — Sputnik. Президент Тыбылты Леонид арвыста отставкæйы Ӕдасдзинады советы нымæрдар Плиты Анатолийы, фехъусын кодтой Sputnik президенты администрацийы.

Ацы къуыри Тыбылты Леонид бафыста къорд барамынды, кæцытæм гæсгæ сæ бынæттæй ссæрибар кодта йæ командæйы уæнгты. Сæ нымæцы культурæйы министр Остъаты Мӕдинӕ æмæ Ӕддагон разысгæрсты службæйы хистæр Гатыгкоты Сослан.

"Плиты Анатолий Гаврилы фырты ссæрибар кæнын Хуссар Ирыстоны Ӕдасдзинады Советы нымæрдары бынатæй йæ куырдиатмæ гæсгæ", — дзырдæуы президенты барамынды.

Плиты Анатолий ацы бынаты куыста 2012 азы июнæй фæстæмæ.

Майрæмбоны Тыбылты Леонид республикæйы къухдариуæггæнæджы бартæ адæтдзæн Бибылты Анатолиймæ, инаугурацийы церемони ацæудзæн республикон стадионы.

16