Тыбылты Леонид

Тыбылты Леонид: равзаргæ президенты ардбахæрд Хуссар Иры историйы ног этап

12
(ранӕуӕггонд 15:52 21.04.2017)
Цхинвалы, республикон стадионы уагъд цæуы равзаргæ президент Бибылты Анатолийы инаугураци.

ЦХИНВАЛ, 21 апр — Sputnik. Хуссар Ирыстоны равзаргæ президент Бибылты Анатолийы ардбахæрд бакæндзæн бæстæйы историйы ног этап, загъта инаугурацийы церемонийы президент Тыбылты Леонид.

Цхинвалы, республикон стадионы уагъд цæуы равзаргæ президент Бибылты Анатолийы инаугураци. Церемонийы хайад исынц уазджытæ Уæрæсе, ДАР, ЛАР, Днестргæрон, Хæххæн Карабахæй.

"Равзаргæ президенты ардбахæрд æрбайгом кодта ног этап нæ бæстæйы историйы. Уыимæ иумæ, президентон æххæстбартæ раттынимæ ахсджиаг мидæггагон æмæ æддагон политикæйы паддзахадон курсы стабилондзинад. Ӕххæст паддзахадæн нæй уæвæн æнæ паддзахадон æххæстбарты гарантитæй, паддзахады сæргъ чи лæууы, уымæ æнæкæсгæйæ. Уый у æнæмæнгхъæуæг домæн æмбæстæгты æмæ экономикон архайды субъектты ныфсæн стабилондзинад æмæ сомбоны", — загъта Тыбылты Леонид.

Уый цыбыртæй радзырдта йæ командæйы æнтыстытæ æмæ позитивон ивындзинæдтæ, кæцытæ æрцыдысты республикæйы йæ президентон æмгъуыды рæстæджы. Тыбылты Леониды ныхæстæм гæсгæ, нывæзттæн иууылдæр нæ бантыст сæххæст кæнын, фæлæ ивындзинæдтæн ис фенæн æнæхотых цæстæй.

Президент банысан кодта ахсджиаг къахдзæфтæ социалон-экономикон райрæзты къабазы, паддзахадзинады ахсджиаг институтты райрæзты.

Æнтыстыты бындур, Тыбылты Леониды ныхæстæм гæсгæ, уыд Уæрæсеимæ æмгуыстады райрæзт, Ӕмцæдисад æмæ интеграцийы фæдыл бадзырды бафыссын æмæ реализаци.

Уый ма банысан кодта Хуссар Ирыстонæн йæ историкон ном — Паддзахад Алани — раздахыны ахсджиагдзинад, уый та Тыбылты Леониды ныхæстæм гæсгæ, " уый у æвдисæн уымæн, нæ адæм кæй цыт кæнынц сæ ситори, фыдæлты номæн, кæй кад кæнынц ивгъуыд, нырыккон æмæ фидæны фæлтæрты бастдзинадæн".

"Уыимæ иумæ Алани ном раздахынæн ис егъау нысаниуæг, кæцы сæндидзæн кæндзæн адæмы потенциал. Мах хъуамæ бирæхатт фæфылдæр кæнæм ацы рæсугъд номы кад!", — загъта уый.

Тыбылты Леонид ноджы дæр загъта бузныг йæ æвзарджытæн, кæцытæ йыл баууæндыдысты фондз азы къухдариуæгад дæттын республикæйæн æмæ йæ фарсмæ чи лæууыд, йемæ чи куыста, "чи æххæст кодта йæ æмбæстагон æмæ кусæгон хæс".

Уый банысан кодта, равзаргæ президент Тыбылты Анатолий кæй у нысанмæтырнæг политик æмæ фæлтæрдджын къухдариуæггæнæг, кæцы райста æвзарджыты хъæлæсты фыццаг хай.

Тыбылты Леониды цæст ног президентæн бауарзта кадджынæй хæссын президентон бæрндзинад, афтæ ма стыр æнтыстытæ ахæм бæрзонд — Паддзахад Аланийы разамонæджы бынаты.

12