Гергиты Валерийы концерт Цхинвалы

Бибылты Анатолий: Гергиты Валерийы концерт ногæй бауагъта ныфс адæмы зæрдæты

12
(ранӕуӕггонд 11:53 02.05.2017)
Хуссар Ирыстоны президент раарфæ кодта Мариинаг театры аивадон къухдариуæггæнæг Гергиты Валерийæн йæ райгуырæн боны цытæн

ЦХИНВАЛ, 2 май — Sputnik. Мариинаг театры концерт-реквием, кæцы ацыд 2008 азы августы Цхинвлы, ссис Хуссар Ирыстоны цæрджытæн ахæм æххуыс, æмæ сын сæ зæрдæты ногæй бауагъта ныфс, дзырдæуы Бибылты Анатолийы арфæйы телы маэстро Гергиты Валерийы адресыл, кæцы дыццæджы нысан кæны йæ райгуырæн бон.

"Асин, кæцы пырхытæ горæты ссис концертон фæзуат, цхинвайлæгтæ хонынц Гергиаг, уый дзурæг у монон иудзинады егъау тыхыл. Нæ паддзахады цæрджытæй Ды алкæмæн дæр дæ 'ввахс адæймаг, уыдонæн абоны бон дæр сæ цæсты раз лæууы уыцы æнахуыр изæр, кæцытæ улæфт банымæгæй баууæндыдысты алы хъусæджы хъизæмæрттæ æмæ рисыл дзурæг зæлтыл", — хъусын кæны Бибылты Анатолийы ныхæстæ президент æмæ хицауады пресс-службæ.

2008 азы, Хуссар Ирыстоны ныхмæ гуырдзиаг агрессийы фæстæ, Цхинвалы сыгъд парламенты бæстыхайы раз уагъд ӕрцыд Гергиты Валерийы къухдариуӕгады бын Мариинаг театры концерт ӕмӕ уӕдӕй фӕстӕмæ парламентмæ цæуæг асин хуыйны "Гергиаг".

 

12