Бензин Хуссар Ирыстоны фæхуыздæр, фæлæ алкæй фаг нæу

© Sputnik / Игорь Зарембо /  Ахизын медиабанкмæӔртагкӕнӕн станц
Ӕртагкӕнӕн станц - Sputnik Хуссар Ирыстон
Рафыссын
ПӔК-ы басгæрстты фæстæ паддзахадон куыстуат "Югосетнефтепродукт"-ы бензин фæхуыздæр, фæлæ йæ фæстауæрцтæ фаг кæнынц æрмæстдæр паддзахадон уагдæттæн

ЦХИНВАЛ, 22 июн — Sputnik, Хъотайты Мария. Цхинвайлаг шофыртæ нымайынц, бензины гъæд "Югосетнефтепродукт"-ы æртаджы станцы бæрæг кæй фæхуыздæр фæстаг мæйы мидæг.

Апрелы кæрæтты ПӔК æрцахста æртæ цистернæйы фауццаг æртагимæ "Югосетнефтепродукт"-ы æмæ бакодта уголовон хъуыддаг "фæлывддзинады" статьяйы фæдыл.

"Бензин кæй фæхуыздæр, уый бамбæрстон Транскамы фæндагыл. Уым иууылдæр къуылдымтæ ис æмæ иу мæ машинæ хæрды æвзæр хызт. Ныр машинæ хуыздæр райдыдта цæуын æмæ йæ æз æнхъæлын, бензины гъæд кæй фæхуыздæр, уый аххос", — радзырдта Sputnik таксист Собаты Реваз, кæцыйæн йæ зонгæ паддзахадон кусæг балæвар кодта талон паддзахадон æртаджы станцы бензин ныккæнынæн.

"Югосетнефтепродукт"-ы офисы Sputnik уацхæссæгæн загътой, бензины фæстауæрцтæ фаг кæй сты паддзахадон уагдæтты автопаркæн дæр æмæ хисæрмагонд машинæты хицæуттæн дæр.

Цена на бензин - Sputnik Хуссар Ирыстон
Хуссар Иры ПӔК æрцахста æртаджы базæйы бензины цистернæтæ

«Ивгъуыд къуыри мах æрбаластам дыууæ вагоны бæрц æртаг. Раздæр Уæрæсейы хуссарварс донивылдты тыххæй нæ бон нæ уыд æрбаласын æртаг Ростовæй æмæ ныр æрбаластам дыууæ вагоны", — бамбарын кодта ПУК-ы кусæг.

"Югосетнефтепродукт"-ы æртаджы станцæн йæхимидæг та ис бынтон æндæр уавæр. Рудзынгыл ис фыст "Бензин æрмæстдæр талонтæм гæсгæ". Станцы кусджытæ бамбарын кодтой, зæгъгæ "бензин алкæй фаг кæй нæу, уый тыххæй йæ уадзынц æрмæстдæр службæйон автотранспортæн".

Паддзахадон æртаджы станцæй дарддæр ма Цхинвалы ис цалдæр æртаджы станцы, цы ран кæд æртаджы дефицит нæй, уæддæр дзы бензин у зынаргъдæр.
Хуссар Ирыстоны ПӔК-ы фехъусын кодтой, уголовон хъуыддаджы равзæрст дарддæр кæй цæуы, ведомствæ æнхъæлмæ кæсы æртаджы лабораторон басгæрсты фæстиуджытæм, кæцытæ арвыста Уæрæсемæ.

Амæй размæ ведомствæйы сæргълæууæг Виктор Шаргаев фехъусын кодта, зæгъгæ, "Югосетнефтепродукт", кæцы официалон æгъдауæй ласы æртаг Хуссар Ирыстонмæ, уæрæсейаг кондад "Роснефть"-ы гъæдджын бензины бæсты республикæмæ ласта фауццаг бензин.

Ног хабӕртты лентӕ
0