Ӕхсӕв музейы

Турчы ацӕудзӕн ирон бӕгӕныйы фестиваль

34
Фестиваль-конкурсы ӕвзарӕн тур августы кӕрӕтты уагъд ӕрцӕудзӕн Хуссар ӕмӕ Цӕгат Иры дӕр

ЦХИНВАЛ, 28 июл — Sputnik. Ӕхсӕнадӕмон фестиваль-конкурс "Ирон бӕгӕны"-йы фыццаг ӕвзарӕн тур уагъд ӕрцӕудзӕн Стамбулы 30 июлы, хъусын кӕны GradusPro.

Мадзалы организатортӕ сты РЦИ-А культурӕйы министрад, Традицион культурӕ ӕмӕ этнотуризмы республикон центр "Фарн", компани "Бавария"-йы генералон спонсоры ӕххуысӕй.

Ирон бӕгӕныйы фестиваль
© Sputnik / Алексей Ковалев

Мадзалы ӕрбайгоммӕ центры фойейы уагъд ӕрцӕудзӕн Кавказы адӕмты националон дарӕсы равдыст, кӕцыты сцӕттӕ кодтой компани "Изольда"-йы хуыйджытӕ, афтӕ ма националон сувенирон продукци ӕмӕ декоративон предметты равдыст.

Алы ӕмӕ алы карты 13 хайадисӕджы — Турчы ирон диаспорӕйы минӕвӕрттӕ равдисдзысты сӕ зонындзинӕдтӕ ирон традицион нозт бахсидыны, афтӕ ма националон къӕбицы хӕринӕгтӕ саразыны хъуыддаджы.

Конкурсы хайадисджытӕ ӕмӕ уазджытӕн ма стыр концертон программӕимӕ ралӕудзысты Ирыстоны сгуыхт артисттӕ.

Ӕвзӕрстон туры хуыздӕр бӕгӕныфыцӕг-уӕлахиздзау октябры та хайад расдзӕн фестивалы финалон туры Дзӕуджыхъӕуы.

34