Культурӕйы тæгтæ: Мæскуыйы бакæндзысты ирон аивады фæндзæм фестиваль

© FacebookГасситы Цопан
Гасситы Цопан - Sputnik Хуссар Ирыстон
Рафыссын
Равдыстыты фондзазон историйыл афæлгæсгӕйӕ, йӕ организатор Гасситы Цопан банысан кодта, фылдæр бæрцæй проект кӕй раразмæ кæны ахæм курдиатджын адæмы, раздӕр æхсæнадæн хорз зындгонд чи нæ уыд.

ЦХИНВАЛ, 3 авг — Sputnik. Ирон аивады фæндзæм юбилейон фестивалы фæлгæтты Уæрæсейы сæйраг горæт Мæскуыйы "Галерея А3"-йы ацæудзысты ирон нывгæнджыты равдыстытæ, фехъусын кодта Sputnik мадзалы организатор Гасситы Цопан.

Равдыстытæ цæудзысты æмрæстæджы дыууæ залы, иу хатæн бацахсдзысты фондз питераг ирон нывгæнæджы куыстытæ, аннæ та рахицæн кæндзысты нывгæнæг Гасситы Сергейы 50-азон юбилейон равыдстæн.

Малтъызты Ольгайы куыстытӕ - Sputnik Хуссар Ирыстон
Ирон аивады ӕнӕхиндзинад ӕмӕ примитивондзинад равдисдзӕн Галерея А3

"Фæндзæм хатт аразæм равдыст. Фæнд кодтам цхинвайлаг нывгæнæг Валерий Авагимовы куыстытæ равдисын мæскуыйаг публикæйæн, фæлæ йе ‘нæниздзинады тыххæй фæцъæмæл. Уымæ гæсгæ иу залы æрбакæндзыстæм, Петербурджы чи цӕры, ахӕм фондз ирон нывгæнæджы куыстыты равдыст, дыккаг залы та равæрдзысты РХИ адæмон нывгæнæг Гасситы Хсары фырт Сергейы куыстытæ", — загъта организатор.

Равдыстыты фондзазон историйыл афæлгæсгӕйӕ, Гасситы Цопан банысан кодта, фылдæр бæрцæй проект кӕй раразмæ кæны ахæм курдиатджын адæмы, раздӕр æхсæнадæн хорз зындгонд чи нæ уыд.

Равдыстытæ фенæн уыдзæн Мæскуыйы "Галерея А3"-ы 10-20 августы.

Ног хабӕртты лентӕ
0