ЦХИНВАЛ, 28 авг — Sputnik, Босыкты Наталья. Хуссар Ирыстоны УУМ-ы ирвæзынгæнджытæ Дзауы районы Уанелы хъæуы ссардтой Цхинвалы 56-аздзыд цæрæджы мард буар, йæ фесæфыны тыххæй уымæй размæ фехъусын кодтой йæ хæстæджытæ, радзырдтой Sputnik ведомствæйы пресс-службæйы.
Хæстæджыты ныхæстæм гæсгæ, нæлгоймаг ацыд хæдзарæй кæсаг ахсынмæ йæхи машинæйыл Уанелы хъæуырдæм æмæ не ′рыздæхт фæстæмæ.
"Сабаты, управленийы пультмæ бацыд хъусынгæнинаг Цхинвалы цæрæджы тыххæй, кæцы ацыд кæсаг ахсынмæ æмæ фесæфт. УУМ-ы кусджытæ ацыдысты фесæфæг Хуыгайы фырт цы адресыл ацыд, уыцы бынатмæ – Уанелы хъæумæ. Агурæн-ирвæзынгæнæн операцийы рæстæджы ссардтой Хуыгайы фырты автомашинæ, фæлæ æрталынгимæ нæлгоймагæн йæхи нæ бантыст ссарын", — загътой пресс-службæйы.
Ведомствæйы банысан кодтой, сæумæрайсомæй ирвæзынгæнджытæ кæй адарддæр кодтой сæ куыст æмæ ссардтой фæмардуæвæджы мард буар доны, хъæумæ æввахс.
Ныртæккæ хъуыддаг æвзары республикæйы мидхъуыддæгты министрад.
