Хуссар Ирыстоны аразынц кадрон резерв

© Sputnik / Михаил ХасиевРХИ хицауад
РХИ хицауад - Sputnik Хуссар Ирыстон
Рафыссын
Архайды цыфæнды къабазы минæварæн дæр ис фадат кадрон резервы райрæзты социалон программæйы хайадисæг суæвынæн

ЦХИНВАЛ, 14 ноя — Sputnik. Хуссар Ирыстоны кадрон резерв саразыны фæдыл конкурс райдыдта Цхинвалы, фехъусын кодтой Sputnik дыццæджы президент æмæ хицауады пресс-службæйы.

Архайды цыфæнды къабазы минæварæн дæр ис фадат кадрон къухдариуæггæнæг резервы райрæзты социалон программæйы хайадисæг суæвынæн, сæйраг домæн у къухдариуæггæнæг куысты фæлтæрддзинад.

"Кадрон резерв у паддзахадон арæзтады ахсджиаг хай. Йæ уæвынад дæтты стабилон æмæ æнтыстджын стратегион размæцыд. Абоны бонæй мах исæм куырдиæттæ конкурсы хайад райсыны фæдыл. Конкурсы хайад райсыны фадат ис алы къабазы минæвæрттæн дæн, сæйраг домæн у къухдариуæггæнæг куысты фæлтæрддзинад", — загъта проекты куратор, мидæггагон политикæйы фæдыл уынаффæгæнæг Кокойты Сослан.

Фыццаг этапыл организатортæ исдзысты цыбыр резюметæ, уый фæстæ та сын уадздзысты тесттæ. Конкурсанттæ хъуамæ раргом кæной сæ интеллектуалон æмæ къухдариуæггæнæг æвзыгъддзинад онлайн режимы.

Проекты нысан у æппæт республикæйы иууыл перспективондæр специалистты фарсмæ балæууын æмæ сын баххуыс кæнын.

Ног хабӕртты лентӕ
0