Джиголаты Хасан: ХИ ӕмӕ ДАР рауагътой посты маркӕтӕ

© SputnikХасан Гиголаев
Хасан Гиголаев - Sputnik Хуссар Ирыстон
Рафыссын
Маркӕтыл ис дыууӕ республикӕйы аргъуанты нывтӕ

ЦХИНВАЛ, 24 ноя — Sputnik, Уалыты Диана. Хуссар Ирыстоны бастдзинад ӕмӕ массон коммуникациты комитеты сӕрдар Джиголаты Хасан радзырдта бастдзинады фадыджы Хуссар Ирыстон ӕмӕ Донецкы адӕмон республикӕйы хсӕн ӕмгуыстады меморандумы тыххӕй.

"Меморандум фыст ӕрцыд ивгъуыд азы Иудзинады бон, ацы азмӕ нын ис къорд ӕнтысты. Ныридӕгӕн скъуыддзаг кӕнӕм дыууӕ бӕстӕйы хсӕн роумингы фарстытӕ, кӕцы нырма у зынаргъ. Афтӕ ма уынаффӕ цӕуы постон бастдзинадыл", — бафтыдта уый.

Уӕрӕсейы банк рауадздзӕн згъӕр ӕхца алайнаг аргъуаны къамимӕ

Комитеты сӕрдары ныхӕстӕм гӕсгӕ, меморандумы бафысты фӕстӕ сфидар кодтой постон маркӕты хуыз дыууӕ бӕстӕйы символты нывтимӕ.

Джиголаты Хасан ма радзырдта, ныридӕгӕн цӕттӕ кӕй цӕуы бастдзинад ӕмӕ массон коммуникациты фадыджы бадзырд Луганскы адӕмон республикӕимӕ, уый фыст ӕрцӕудзӕн ӕввахс рӕстӕджы.

Хуссар Ирыстон ӕмӕ Донецкы адӕмон республикӕ бастдзинады фадыджы сразыдзинад бафыстой ивгъуыд аз 5 ноябры.

Ног хабӕртты лентӕ
0