Мидхъуыддӕгты министр: ӕхсты хайадисджыты фӕрсынц прокуратурӕйы

© Sputnik / Наталья АйриянНаниты Игорь
Наниты Игорь - Sputnik Хуссар Ирыстон
Рафыссын
Цхинвалы цӕрӕджы ӕмӕ тыхон структурӕты минӕвӕртты хсӕн хыл бацайдагъ ис нардуаты тыххӕй, загътой мидхъуыддӕгты министрады

ЦХИНВАЛ, 7 дек — Sputnik. Хуссар Ирыстоны мидхъуыддӕгты министр Наниты Игорь бафидар кодта Цхинвалы центры кӕрӕдзи ӕхсты фӕдыл информаци, кӕцы ӕрцыд цыппӕрӕмы автовокзалы территорийыл.

Автовокзал - Sputnik Хуссар Ирыстон
Цхинвалы центры ӕрцыд хӕцӕнгарзӕй кӕрӕдзи ӕхст

Раздӕр цауы тыххӕй Sputnik радзырдтой цӕстӕйфенджытӕ.

"Уый ӕцӕгӕй дӕр афтӕ уыд. Развӕлгъау информацимӕ гӕсгӕ, хыл бацайдагъ цавӕрдӕр нардуаты тыххӕй. Хылгӕнджытӕй иу систа автомат, иннӕтӕ дӕр — тыхон структурӕты кусджытӕ — бафӕлвӕрдтой хӕцӕнгарзӕй спайда кӕнын", — радзырдта министр.

Йӕ ныхӕстӕм гӕсгӕ, ныртӕккӕ хылы хайадисджытӕ иууылдӕр сты прокуратурӕйы, цыран семӕ кусынц фӕдагурджытӕ.

Ног хабӕртты лентӕ
0