ЦХИНВАЛ, 7 дек — Sputnik. Хуссарирыстойнаг оперон зарæггæнæг Джиоты Вероника раразмæгонд æрцыд Уæрæсейы националон музыкалон премимæ, хъусын кæны премийы официалон сайт.
Джиоты Вероника архайы номинаци "Вокалист года в классической музыке"-йы опера "Князь Игорь"-ы йæ номыр "Улетай на крыльях ветра"-йы тыххæй. Ацы номинацийы ма сты Анна Нетребко, Алексей Татаринцев, Хачатур Бадалян æмæ Хибла Герзмава.
Уæрæсейы националон премийы ма дзæуджыхъæуккаг рэпертæ MiyaGi & Эндшпиль сты номинацийы "Лучший хип-хоп-исполнитель" зарæг I Got Love-йы фæрцы. Ацы категорийы уыдон ерыс кæндзысты Jah Khalib, Баста, Мот æмæ къорд "Грибы"-имæ.
Финалистты иумæйаг хыгъд мыхуыр æрцыд æртыццæджы. Уæлахиздзаутæ фæбæрæг уыдзысты 13 декабры, Паддзахадон Кремлы галуаны.