Дыгъуызты Аланы киноныв "БАЧА" райста "Золотой феникс"-ы сæрмагонд приз

© Sputnik / Алексей КовалевАланы Касоев и Алан Догузов
Аланы Касоев и Алан Догузов - Sputnik Хуссар Ирыстон
Рафыссын
Ирон режиссерæн уый йæ фыццаг æнтыст нæу, 2014 азы йæ киноныв "Воскресенье" дæр ссис ацы фестивалы уæлахиздзау

ЦХИНВАЛ, 8 сен — Sputnik. Ирон сфæлдыстадон къорды нывӕфтыд фильм "БАЧА" райста Ӕппæтуæрæсейон кинофестиваль "Золотой феникс"-ы сæрмагонд диплом, фехъусын кодта Sputnik кинонывы режиссер Дыгъуызты Алан. 

Курдиатджын ирон режиссерæн ацы фестивалы уый йæ фыццаг æнтыст нæу. 2014 азы ма уый ссис уæлахиздзау цыбырметражон киноныв "Воскресенье"-йæ.

Участники фильма Соврешь-умрешь - Sputnik Хуссар Ирыстон
Дыгъуызты Алан: "Фæсайдзæ - амæлдзæ" ӕрӕмбырд кодта ирон курдиатджын фӕсивӕды

"Кинофестивальмæ æрæмбырд сты кинойы аивады хуыздæр дæснытæ, Гран-при райста Звягинцев йæ хъуыстгонд фильм "Нелюбовь"-ы тыххæй. Киноныв "БАЧА"-йыл хорз сæмбæлдысты фестивалы. Махæн та радта фæлтæрддзинад æмæ бацамыдта нæ дарддæры фæндаг сфæлдыстады", — загъта режиссер.

Дыгъуызты Аланы раздӕры режиссерон куыстытӕ — фильм "Фӕсайдзӕ — амӕлдзӕ", цыбырметражон фильм "Воскресенье" — райстой цалдӕр престижон кинопремитӕ.

Фильмы "БАЧА"–йы сценарий бындуриуӕг кӕны реалон цаутыл. Сӕйраг ролы дзы хъазы театр ӕмӕ кинойы актер Годзойты Батраз, кӕцы телекӕсджытӕн у зонгӕ популярон уӕрӕсейаг сериалтӕ "Дар", "Лесник", "Глухарь"-ы рольтӕй. Кинонывæн йæ оператор та у Кӕсойты Алан, кӕцы куыста Дыгъуызты Аланæн йӕ иннӕ кинонывтыл дӕр.

Ног хабӕртты лентӕ
0