Банымадтой нæ

53
(ранӕуӕггонд 13:10 18.01.2017)
Хуссар Ирыстоны дыууын фондз азы мидæг фыццаг хатт уагъд æрцыд цæрджыты иумæйаг сфыст. Развæлгъау бæрæггæнæнтæм гæсгæ, республикæйы цæры 53 мин адæймагæй фылдæр, уыдонæй 30 минæй фылдæр – столицæйы.
Банымадтой нæ
© Sputnik/

Хуссар Ирыстоны дыууын фондз азы мидæг ивгъуыд октябры фыццаг хатт уагъд æрцыд цæрджыты иумæйаг сфыст. Хуссар Ирыстоны цӕрджыты сфыст фӕстаг хатт уагъд ӕрцыд Советон Цæдисы дуджы — 1989 азы. Уæд республикæйы цæрджыты нымæц уыд 98,5 мин адæймаджы.

Ног сфысты развæлгъау фæстиуджытæм гæсгæ, республикæйы цæры 53 мин адæймагæй фылдæр, уыдонæй 30 минæй фылдæр —столицæйы. Иууыл цæрæгджындæр у Цхинвалы район, цæры дзы аст минæй чысыл къаддæр адæймаджы. Республикæйы цæрджытæй 28 мин сты сылгоймæгтæ, 26 минæй чысыл къаддæр та нæлгоймæгтæ.

Æлхынцъон æмæ уæрæхдæр фæстиуджытæ бæлвырд æрцæудзысты 2016 азы æмбисы. Фæстиуджытæ уагъд æрцæудзысты хицæн бæрæгуатæй. Ацы бæрæггæнæнтæ ма æвæрд æрцæудзысты Паддзахадон статистикæйы управленийы сайтыл, кæцы ауагъта сфыст.

53