Президент Тыбылты Леонид ӕмӕ центры сӕргълӕууӕг Къусраты Анатолийы фембӕлд

ЗУА-йы зонадон центры филиал байгом уыдзӕн Хуссар Ирыстоны

8
(ранӕуӕггонд 11:58 12.10.2016)
Президент Тыбылты Леонид ӕмӕ центры сӕргълӕууӕг Къусраты Анатолийы хъуыдымӕ гӕсгӕ, зонадон центры филиал суыдзӕн нысаниуӕгджын цау республикӕйы царды.

ЦХИНВАЛ, 12 окт — Sputnik, Босыкты Наталья. Зонӕдты уӕрӕсейаг академийы (ЗУА) Дзӕуджыхъӕуккаг зонадон центры филиал ис гӕнӕн ӕмӕ баконд ӕрцӕуа Хуссар Ирыстоны. Ахӕм фадатыл уынаффӕ кодтой Цхинвалы президент Тыбылты Леонид ӕмӕ центры сӕргълӕууӕг Къусраты Анатолий.

"Перспективон ӕмӕ престижон зонадон центры филиалы сырӕзтӕн ис тынг хорз перспективӕтӕ. Уый у стыр ахъаз нӕ ахуыргӕндтӕн дӕр ӕмӕ ӕрыгон фӕлтӕрӕн дӕр. Хорз уаид, ацы цымыдисаг хъӕппӕрисыл лӕмбынӕг куы бакусиккад", — загъта президент.

Дзӕуджыхъӕуккаг центры филиалы баконд Хуссар Ирыстоны, Къусраты Анатолийы ныхӕстӕм гӕсгӕ, суаид нысаниуӕгджын цау республикӕйӕн. Студенттӕ аспирантурӕмӕ хъавынц бюджетон бындурыл исын. Центры къухдариуӕггӕнӕджы ныхӕстӕм гӕсгӕ, фарсытӕ нырма хъуамӕ аскъуыддзаг кӕной юридикон ӕмӕ экономикон фарстыты рад.

Дзӕуджыхъӕуккаг центр, хуссарирыстойнаг университет ӕмӕ зонадон-иртасӕн институты ӕхсӕн раздӕр дӕр реализаци цыдысты иумӕйаг проекттӕ Ӕмгуыстад ӕмӕ интеграцийы фӕдыл бадзырды фӕлгӕтты.

Къусраты Анатолийы ныхӕстӕм гӕсгӕ, УФ зонады серъезон реформӕтӕ ауадзыны фӕстӕ, зонадон центры фадӕттӕ бӕрӕг фӕивтой.

"Реформӕты фӕстӕ фӕзынд фылдӕр фадӕттӕ ӕмӕ мах сфӕнд кодтам ӕрдзурын, цӕмӕй ма у нӕ бон баххуыс кӕнын хуссарирыстойнаг уӕлдӕр ахуырадон уагдӕттӕн. Куысты рӕстӕджы мах сараздзыстӕм кусӕгон къорд. Кӕцы ӕрӕвналдзӕн ӕппӕт ацы фарстытӕ скъуыддзаг кӕнынмӕ", — загъта Къусраты Анатолий.

Къусраты Анатолий банысан кодта, Цӕгат Ир дӕр Хуссар Ир дӕр ӕййафынц ахуыргӕндты кадрон хъуагдзинад ӕмӕ бахаста хъӕппӕрис геологийы факультеты зонадон-ахуырадон базӕ саразын, ацы архайды хуыз парахат кӕныны нысанӕн.

8