ЦХИНВАЛ, 11 апр — Sputnik. Уæрæсейы президент Владимир Путин раарфæ кодта Бибылты Анатолийæн Хуссар Ирыстоны президентон æвзæрстыты фæуæлахизы цытæн. Уый банысан кодта, Уæрæсе дарддæр дæр кæй æххуыс кæндзæн республикæйы æдасдзинад бахъахъхъæнынæн.
"Цытджын Анатолий Ильяйы фырт, зæрдиаг арфæ дын кæнын Республикæ Хуссар Ирыстоны президентон ææвзæрстыты кæй фæуæлахиз дæ, уый фæдыл. Райгондæй мæ фæнды банысан кæнын хуссарирыстойнаг-уæрæсейаг традицион хæларадон ахастыты бæрзонд æмвæзад. Нæ дызæрдыг кæнын, Дæ равзæрстимæ нæ бæстæты æхсæн ахастытæ кæй райсдзысты дарддæры райрæзт", — дзырдæуы Кремлы сайтыл æвæрд телеграммæйы.
Путин банысан кодта, Уæрæсе кæй адарддæр кæндзæн Хуссар Ирыстонæн социалон-экономикон райрæзты актуалон фарстытæ скъуыддзаг кæнын, афтæ ма националон æдасдзинад ифтонг кæныны æххуыс кæнын.
Йæ цæст Бибылты Анатолийæн бауарзта фидар æнæниздзинад, дидинæфтыд æмæ стыр æнтыстытæ ахæм бæрнон бынаты.
Хуыцаубоны Хуссар Ирыстоны уагъд цыдысты президентон ӕвзæрстытӕ æмæ республикæйы ном Паддзахад Аланимæ раивыны фæдыл референдум. Уӕлдӕр постмӕ тырныдтой ӕртӕ кандидаты — архайгӕ президент Тыбылты Леонид, парламенты спикер Бибылты Анатолий ӕмӕ ПӔК-ы кусӕг Гаглойты Алан.
Хуссар Ирыстоны Централон æвзарæн къамисы сӕрдар Плиты Белла, развæлгъау бæрæггæнæнтыл ӕнцойгӕнгӕйӕ, фехъусын кодта, президентон æвзæрстыты ӕвзарджыты 57,9% хъӕлӕстимӕ кӕй ӕмбулы Бибылты Анатолий.
