Цæгат Ирмæ æрцæудзысты 20 дохтыры Санкт-Петербургæй

© Sputnik / Максим Григорьев /  Ахизын медиабанкмæРоссийские медики
Российские медики - Sputnik Хуссар Ирыстон
Рафыссын
Ӕндæр æмæ æндæр профильты 20 дохтыры æрцæудзысты Санкт-Петербургæй Ирыстонмæ, цæмæй басгарой пациентты

ЦХИНВАЛ, 17 авг — Sputnik. Петербургаг медиктӕ райдайдзысты Цӕгат Ирыстоны цӕрджыты консультативон райст проект "Петербурджы дохтыртæ — Ирыстонæн"-ы фӕлгӕтты 16-23 сентябры.

Пациентка Казбека Кудзаева, пострадавшая во время Спитакского землетрясения - Sputnik Хуссар Ирыстон
Ирон дохтыр агуры, Спитакы зӕххӕнкъуысты фӕстӕ цы чызджы фервӕзын кодта, уый

Ӕндæр æмæ æндæр фæдыздæхтты медиктæ басгардзысты пациентты, æмæ сæ фæстиуджытæм гæсгæ, ис гæнæн кæйдæрты арвитой хос кæнынмæ Санкт-Петербурджы клиникæтæм. Уый тыххæй фехъусын кодта Ossetia News, Цæгат Ирыстоны сæргълæууæг æмæ хицауады пресс-службæйы информацийыл æнцойгæнгæйæ.

"Медикты уæвынады программæ республикæйы уыдзæн тынг гуырахстджын: пациентты райсынӕй дарддӕр ма университеты раззагон дохтыртӕ адих кӕндзысты сӕ фӕлтӕрддзинад сӕ цӕгатирыстойнаг коллегӕтимӕ — уагъд цӕудзысты конференцитӕ, цӕгатирыстойнаг медицинон уагдӕтты медперсоналимӕ фембӕлдтӕ. Сæ балцы рæстæджы, академик Павловы номыл Фыццӕгӕм Санкт-Петербургаг медицинон университеты медиктæ æдзух исдзысты пациентты", — загътой пресс-службæйы.

Петербургаг дохтыртӕ ныр æртыккаг хатт ӕрцыдысты Цӕгат Ирыстонмӕ проект "Петербурджы дохтыртæ — Ирыстонæн"-ы фӕлгӕтты. Йӕ организатортӕ сты РЦИ-А минӕварадтӕ Цӕгат-Ныгуылӕйнаг федералон зылды, Санкт-Петербурджы ӕмӕ Ленинграды областы. Сæ фароны æрцыды рæстæджы петербургаг дохтыртæ Ирыстоны басгæрстой 850 адæймаджы, уыдонæй Санкт-Петербургмæ арвыстой 250 рынчыны, кæцытæн æнæаргъæй сарæзтой бæрзондтехнологион операцитæ петербургаг клиникæты.

Ног хабӕртты лентӕ
0