Бардты фестиваль "Цъæйаг вальс" ацæудзæн Цӕгат Иры

Рафыссын
Фестиваль ацæудзæн 8-17 сентябры

ЦХИНВАЛ, 17 авг — Sputnik. Цæгат Ирыстоны ацæудзæн бардон зарæджы XIII æппæтуæрæсейон фестиваль "Цъæйаг вальс", хъусын кæны газет "Слово".

Цъæй куыд зæрдæйы уаг æвдисæг - Sputnik Хуссар Ирыстон
Цъæй куыд зæрдæйы уаг æвдисæг

Фестиваль нывонд у зындгонд советон зарӕггӕнӕг Юрий Визборæн,  уый ам ныффыста йæ фæстаг зарæг "Цъæйаг вальс". Уымæ гæсгæ, фестиваль дæр схуыдтой афтæ. Мадзал уагъд цæуы 2015 азæй фæстæмæ.

Фестивалы нысан у авторон зарæг сæндидзын кæнын, ног таланттæ раргом кæнын, Уæрæсейы æмæ æввахс фæсарæнты бардты æхсæн бастдзинæдты райрæзт.

Бардон клуб "Вертикаль"-ы къухдариуæггæнæг Анна Евдокимовайы ныхæстæм гæсгæ, ныртæккæ фестивалы хайад райсыны тыххæй сæ куырдиæттæ балæвæрдтой 20 зарæггæнæджы æппæт Уæрæсейæ, фæлæ дзы хайад райсдзæн 30 адæймаджы бæрц. Афтæ, 2016 азы фестивалмæ æрцыдысты зарæггæнджытæ Сомих æмæ Германийæ.

Горнолыжная трасса в Цее - Sputnik Хуссар Ирыстон
Цæгат Иры Цъæйы курорт суыдзæн зæрдæмæдзæугæдæр туристтæн

Уый ма банысан кодта, "Цъæйы вальс" кæй у иунæг фестиваль, кæцы уадзы мадзалы трансляци комкоммæ эфиры YouTube-каналыл. Фарон фестивалы интернет-трансляцимæ кастысты Франц, Израиль, Австрали, Швейцарийы.

2017 азы конкурсы уыдзæн 10 номинацийы: "Хуыздæр зарæг Цъæйыл-2017", "Хуыздæр автор-зарæггæнæг", "Юрий Визборы зарджыты хуыздæр сæххæст", "Хуыздæр ансамбль", "Хуыздæр поэт", "Хуыздæр авторон зарæг", "Бардон зарæджы хуыздæр сæххæст", "Фестивалы сыгъзæрин хъæлæс", "Кæсджыты симпатиты приз", "Фестивалы хуыздæр дебютант ".

Ног хабӕртты лентӕ
0