"Гергиты Валерийы фæдон" Тедеты Хетæг дирижир кæндзæн Ростроповичы фестивалы

© страница Hetag Tedeev в сети facebookТедеты Хетæг
Тедеты Хетæг - Sputnik Хуссар Ирыстон
Рафыссын
Кæсджытæн фыццаг хатт уыдзæн фадат æрыгон дирижеры дæсниад хи цæстæй фенын

ЦХИНВАЛ, 30 ноя — Sputnik. Ирон дирижер Тедеты Хетæг хайад райсдзæн Мстислав Ростроповичы Ӕхсæнадæмон фестивалы Оренбурджы. Ӕрыгон дирижеры къухдариуæгады быг форум цытджын æгъдауæй бакæндзысты Галина Вишневскаяйы оперон зарды центры солисттæ æмæ оркестр, хъусын кæны Ossetia Times.

Гергиты Валерий - Sputnik Хуссар Ирыстон
Гергиты Валерий бахаудта преми "Грэмми"-йы претендентты нымæцмæ

Мстислав Ростроповичы V Ӕхсæнадæмон фестиваль æрбайгом уыдзæн Оренбурджы областон филармонийы концертон залы æмæ адарддæр уыдзæн æртæ боны.

"Галина Вишневскаяйы оперон зарды центры солисттæ æмæ оркестр курдиатджын æрыгон ирон дирижер Тедеты Хетæгы къухдариуæгады бын равдисдзысты аивадуарзджытæн Сергей Рахманиновы оперæ "Алеко"", — дзырдæуы хъусинаджы.

Тедеты Хетæг 10 азы кары дирижир кодта Цæгат Ирыстоны паддзахадон филармонийы симфоникон оркестрæн Дзæуджыхъæуы. 13 азы йыл куы цыд, уæд та къухдариуæг кодта Мариинаг театр æмæ Ростоваг паддзахадон филармонийы иумæйаг оркестрæн Цхинвалы. Фæстæдæр Тедеты Хетæгæн лæвæрд æрцыд Республикæ Хуссар Ирыстоны сгуыхт артисты ном.

Ныртæккæ дирижер ахуыр кæны Санкт-Петербурджы паддзахадон консерваторийы 4-æм курсы.

Ног хабӕртты лентӕ
0