Бекъойты Динӕ: чысылӕй фӕстӕмӕ бӕллыдтӕн Эльбрусы цъуппыл акафын

© Из архива Дины Бекоевой Бекъойты Дина Эльбрусы хохы цъуппыл
Бекъойты Дина Эльбрусы хохы цъуппыл - Sputnik Хуссар Ирыстон
Рафыссын
Йӕ партнер – Цӕгат Ирыстоны зындгонд пластикон хирург Къудзойты Хъазбегимӕ Динӕ фыццаг хатт сӕххӕст кодта ирон кафт "Хонгӕ" Эльбрусы бӕрзондыл.

ЦХИНВАЛ, 23 авг — Sputnik. Европӕйы иууыл бӕрзонддӕр цъупп — Эльбрусы хохыл — ирон кафт сӕххӕст кӕнын мӕскуыйаг ансамбль "Алания"-йы солисткӕ Бекъойты Динӕ бӕллыд чысылӕй фӕстӕмӕ. Йӕ бӕллиц сӕххӕст кӕнын ын бантыт цалдӕр боны размӕ. Йӕ партнер — Цӕгат Ирыстоны зындгонд пластикон хирург Къудзойты Хъазбегимӕ Динӕ фыццаг хатт сӕххӕст кодта ирон кафт "Хонгӕ" Эльбрусы бӕрзӕндыл.

Выступление солистки московского ансамбля танцев на вершине Эльбруса претендует на рекорд Гиннесса - Sputnik Хуссар Ирыстон
Европӕйы бӕрзонддӕр хохыл сӕххӕст кодтой ирон кафт

Бекъойты Динӕ райгуырд ӕмӕ схъомыл уӕрӕсейаг столицӕйы, фӕлӕ Ирыстонмӕ ӕрцӕуы ӕрвылаз дӕр ӕмӕ сӕтты, райгуырӕн зӕххыл кӕй ӕвзары ницӕимӕ абаргӕ ӕнкъарӕнтӕ.

Ныр 14 азы дӕргъы у ансамбль "Алания"-йы солисткӕ, уый ӕмрӕстӕджы исы дыккаг уӕлдӕр ахуырад столицӕйы уӕлдӕр ахуыргӕнӕн уагдӕттӕй иуы.

"Чысылӕй фӕстӕмӕ мӕ фӕндыд хӕхтӕ ӕмӕ ӕрдзимӕ баст ӕнахуыр ӕмӕ рӕсугъд исты саразын. Куы фӕзыны бӕллиц, уӕд фӕзынынц адӕм йӕ сӕххӕст кӕнынӕн. Къудзойты Хъазбегимӕ мах сӕххӕст кодтам нӕ рагон бӕллиц. Уый фыццаг ахӕм цау кӕй уыд, уый тыххӕй сфӕнд кодтам Гиннесы рекордты чиныгмӕ куырдиат бахӕссын ӕмӕ нӕ арӕхстдзинад равдисын", — загъта Бекъойты чызг Sputnik.

5642 метры бӕрзондыл кафтимӕ видеоролик сисынӕн командӕйы бахъуыд иу сахат, Эльбрусы хохы цъупмӕ схизыны размӕ та сӕ бахъуыд тренировкӕты дыууӕкъуырион вазыгджын курс рацӕуын Эльбрусы хохрӕбын.

Сӕ балцы тыххӕй дзургӕйӕ, кӕцы къорд акодта цӕгатирыстойнаг ӕмӕ балхъайраг альпинисттимӕ, артисткӕ басаст, хохы бӕрзӕнды цины ӕнкъарӕнтимӕ кӕй ӕмдзу кодта тас дӕр.

"Фыццаг уал мын уыд эйфория. Фӕлӕ куыд бӕрзонддӕр хызтыстӕм, уыййыс хуыздӕр ӕмбӕрстон ӕрдзы тых адӕймагыл. Мах цыдыстӕм уынгӕг къахвӕндагыл ӕмӕ нӕ бон ӕргуыбыр кӕнын дӕр нӕ уыд, цӕмӕй нӕ къахдарӕс бараст кодтаиккам. Рӕстӕгӕй-рӕстӕгмӕ иу, цӕхгӕр былтыл цӕугӕйӕ, тас дӕр уӕнгтӕ сбаста", — загъта Динӕ.

Эльбрусмӕ схизыны тыххӕй, йӕ хъуыдымӕ гӕсгӕ, ӕнӕмӕнгхъӕуӕг у иттӕг хорз ӕнӕниздзинад, уымӕн ӕмӕ боныгъӕды цыфӕнды чысыл ивындзинӕдтӕ дӕр ахӕм бӕрзӕндыл расайынц серьезон проблемӕтӕ.

© Sputnik / Дина Бекоева Бекъойты Динӕ ӕмӕ Къудзойты Хъазбег Эльбрусы хохы цъуппыл
 Солистка, прима московского ансамбля Алания - Дина Бекоева на вершине Эльбруса - Sputnik Хуссар Ирыстон
Бекъойты Динӕ ӕмӕ Къудзойты Хъазбег Эльбрусы хохы цъуппыл

Ӕвзӕр боныгъӕдмӕ ӕнӕкӕсгӕйӕ, къордӕн бантыст Эльбрусмӕ ӕхсӕвыгон тагъд схызт цыппар сахатмӕ саразын.

Схизджыты къорд ӕрсагъта хохы бӕрзӕндыл Цӕгат Ир, Кӕсӕг-Балхъар, Абхаз, Дзӕуджыхъӕу ӕмӕ Цхинвалы тырысатӕ. Акци уагъд ӕрцыд Хуссар Ирыстоны президент Тыбылты Леониды ӕххуыссӕй ӕмӕ уыд нывонд республикӕйы хӕдбардзинадӕн.

Ног хабӕртты лентӕ
0