Дзауы районы турнир рабӕрӕг кодта Ирыстоны хуыздӕр шахматистты

© Sputnik / Владимир Вяткин /  Ахизын медиабанкмæШахматты турнир
Шахматты турнир - Sputnik Хуссар Ирыстон
Рафыссын
Шахмӕтты турниры фараст командӕйы ӕхсӕн аналитикон зондахаст ӕмӕ ирд хъазты руаджы Хуссар Ирыстоны хъахъхъӕнынады министрады командӕйӕн нӕ разынд ӕмсӕр ныхмӕлӕууӕг ӕмӕ бацахста фыццаг бынат.

ЦХИНВАЛ, 5 окт- Sputnik. Хуссар ӕмӕ Цӕгат Ирыстоны хуыздӕр шахматисттӕ сӕ тыхтӕ бавзӕрстой Дзауы районы турниры, хъусын кӕны Sputnik уацхӕссӕг.

Ныр фӕндзӕм аз Хуссар Ирыстоны Дзауы районы уагъд цӕуы зынгӕ историк, чиныг "Осетия и осетины"-йы автор Чилӕхсаты Хъазбеджы номыл турнир шахмӕттӕй. Турнир ӕрӕмбырд кӕны Ирыстоны дыууӕ хаййӕ хуыздӕр шахматисты.

"Ӕдӕппӕтӕй турниры архайдта фараст командӕйы. Уӕлахиздзау ссис Хуссар Ирыстоны хъахъхъӕнынады министрады командӕ Гӕбӕраты Ацӕмӕз, Саулохты Георгий ӕмӕ Къӕбысты Эдуарды скондӕй", — радзырдта Sputnik турниры архайӕг.

Йӕ ныхӕстӕм гӕсгӕ, хъахъхъӕнынады министрады командӕйӕ дарддӕр ма хорз ахъазыд Цӕгат Ирыстоны Сунжӕйы командӕ — уый бацахста дыккаг бынат. Ӕртыккаг бынат та лӕвӕрд ӕрцыд РХИ Ветеранты цӕдисы командӕйӕн.

Турниры уӕлахиздзаутӕ ӕмӕ призертӕ хорзӕхджын ӕрцыдысты грамотатӕ ӕмӕ зӕрдылдарӕн лӕвӕрттӕй.

Ног хабӕртты лентӕ
0