Ирон футболист Джиголаты Роланд

Ирон футболист Джиголаты Роланды фӕхуыдтой пермаг клуб "Амкар"-мӕ

37
(ранӕуӕггонд 12:33 18.02.2016)
Уый баххӕст кӕндзӕн ирон футболон скъолайы хъомылгӕнинӕгты нымӕц, кӕцытӕ архайынц Уӕрӕсейы премьер-лигӕйы.

ЦХИНВАЛ, 18 фев — Sputnik. Ирон футболон скъолайы хъомылгӕнинаг, 26 аздзыд ӕрдӕгхъахъхъӕнӕг Джиголаты Роланд бафыста ӕртӕ азы ӕмгъуыдмӕ контракт пермаг футболон клуб "Амкар"-имӕ, хъусын кӕны "Осетия Times".

Футболон клуб "Амкар"-ы сконды Джиголаты Роланд йӕ архайд райдайдзӕн уалдзӕджы, хъаздзӕн 24 номыримӕ.

"Мах ӕрхуыдтам Роланды нӕхимӕ сбортӕм, уый фӕстӕ рахастам уынаффӕ йемӕ куысты бадзырд саразыны тыххӕй", — фехъусын кодта клубы ӕххӕстгӕнӕг директор.

Джиголаты Роланд хъазыд Дзӕуджыхъӕуы "Юность"-ы, "Зенит"-ы фӕсивӕдон къорды, Дзӕуджыхъӕуы"Алания"-йы, уый фӕстӕ та архайдта клубтӕ "Динамо" ӕмӕ "Петротрест"-ы. 2014 азӕй фӕстӕмӕ хъазыд польшӕйаг клуб "Рух"-ы, цыран 35 матчы бакодта фондз пуртийы.

37