Универсиада.6-й день. Вольная борьба

Ирон богалтӕ ӕхсӕнадӕмон турнирӕй Минскӕй ӕрхастой ӕртӕ сыгъзӕрин майданы

48
(ранӕуӕггонд 17:55 19.02.2016)
Уӕгъдибар хъӕбысхӕсты ӕхсӕнадӕмон турниры спортсментӕ сӕ тыхтӕ ӕвзӕрстой цыппар уӕзы категориты, уыдонӕй ӕртӕйы фыццаг бынӕттӕ бацахстой ирон богалтӕ Рæмонаты Сослан, Гуæцæлты Хаджимурат ӕмӕ Цӕболты Хетик.

ЦХИНВАЛ, 19 фев — Sputnik. Ӕртӕ ирон хъӕбысӕйхӕцӕджы ссисты олимпиаг хъӕзтыты ӕртӕ хатты чемпион Александр Медведы номыл ӕхсӕнадӕмон турниры уӕлахиздзаутӕ, хъусын кӕны 15 регион.

Ерыстӕ уагъд цыдысты 17-19 февралы Минскы, архайдтой дзы Рæмонаты Сослан, Гуæцæлты Хаджимурат ӕмӕ Цӕболты Хетик, ӕртӕ дӕр бацахстой фыццаг бынӕттӕ.

"Рӕмонаты Сослан архайдта 65 килограммы уӕзы категорийы, Цӕболты Хетик — 74 кг ӕмӕ Гуæцæлты Хаджимурат та 97 кг уӕзы. Ацы турниры ма 57 килограммы уӕзы категорийы та уӕлахиздзау ссис ирайнаг богал Реза Атри", — дзырдӕуы хъусинаджы.

Рӕмонты Сослан райгуырд Цхинвалы, 2014 азы ссис Уӕрӕсейы ӕмӕ дунейы чемпион, 2015 азы та — дунейы бронзӕйон чемпион.

Гуæцæлты Хаджимурат — олимпиаг хъӕзтыты чемпион, дунейы фондз ӕмӕ Европӕйы ӕртӕ хатты уӕлахиздзау.

Цӕболты Хетик — 2014 азы дунейы чемпион, Уӕрӕсейы спорты мастер.

48