Гасситы Мурӕт ӕмӕ Денис Лебедев фембӕлдзысты рингыл 3 декабры

© Sputnik / FacebookМурат Гассиев
Мурат Гассиев - Sputnik Хуссар Ирыстон
Рафыссын
Ныртӕккӕ Гасситы Мурӕт йӕхи цӕттӕ кӕны тохмӕ Лос-Анджелесы, Big Bear базӕйы тренер Абель Санчесы къухдариуӕгады бын.

ЦХИНВАЛ, 16 сен — Sputnik. Гасситы Мурӕт ӕмӕ Денис Лебедевы ӕхсӕн тох Боксы æхсæнадæмон федерацийы (IBF) чемпионы титулы тыххӕй уагъд ӕрцӕудзӕн 3 декабры, фехъусын кодта Гасситы Мурӕты тренер Сланты Виталий.

Йӕ ныхӕстӕм гӕсгӕ, уый фӕдыл майрӕмбоны фехъусын кодта промоутерон компани "Мир бокса"-йы сӕргълӕууӕг Андрей Рябинский.

"Абон фӕбӕрӕг, Денис Лебедев ӕмӕ Гасситы Мурӕты ӕхсӕн тох Боксы æхсæнадæмон федерацийы (IBF) чемпионы титулы тыххӕй уагъд кӕй ӕрцӕудзӕн 3 декабры Мӕскуыйы", — загъта Сланты Виталий.

Гасситы Мурӕты уæлахиз америкайаг боксер Джордан Шиммелыл ирон боксерæн фадат радта Боксы æхсæнадæмон федерацийы (IBF) чемпионы титулмæ претендент суæвынæнӕн. Лебедев уыцы мӕй баиу кодта WBA ӕмӕ IBF титултӕ аргентинаг Виктор Рамиресимӕ тохы рӕстӕджы.

Мурат Гассиев начал подготовку к бою с Денисом Лебедевым. Кадры тренировки - Sputnik Хуссар Ирыстон
Гасситы VS Лебедев. Тагъд!

Боксы æхсæнадæмон федерацийы фехъусын кодтой, Рамирес æмæ Лебедевы тох арæзт кæй æрцыд ахæм домæнимæ, цæмæй уæлахиздзау стæй та йæ тыхтæ бафæлвара Гасситы Муратимæ, кæцы ис рейтингы дыккаг бынатыл.

Ныртӕккӕ Гасситы Мурӕт йӕхи цӕттӕ кӕны тохмӕ Лос-Анджелесы, Big Bear базӕйы тренер Абель Санчесы къухдариуӕгады бын.

Гасситы Мурæт у дунейон чемпион фӕсивӕды 'хсӕн WBC-йы версимӕ гӕсгӕ, Европӕйы чемпион IBF-йы версимӕ гӕсгӕ, дунейы интерконтиненталон чемпион IBF-йы версимӕ гӕсгӕ. Уый 23 хатты рахызт профессионалон рингмæ æмæ сæ алкæцыйы дæр ссис уæлахиздзау.

Ног хабӕртты лентӕ
0