Мурат Гасситы

Гасситы Мурӕт йӕ райгуырӕн бон арвитдзӕн спортзалы

32
(ранӕуӕггонд 14:08 12.10.2016)
23–аздзыд Гасситы Мурӕтӕн иу басаст дӕр нӕй профессионалон рингыл.

ЦХИНВАЛ, 12 окт — Sputnik. Боксер-профессионал, Ирыстоны иууыл перспективон спортсментӕй иу — Гасситы Мурӕт нысан кӕны йӕ 23-ӕм райгуырӕн бон.

Ныртӕккӕ боксер ис Лос-Анджелесы, йӕхи цӕттӕ кӕны уӕрӕсейаг боксер Денис Лебедевимӕ тохмӕ, кӕцы ацӕудзӕн декабры.

"Уый ис Лос-Анжелесы, ныртӕккӕ кӕны фынӕй. Фондз сахаты фӕстӕ райхъал уыдзӕн. Бӕрӕгбон бӕрӕгбон у, фӕлӕ тренировкӕтӕ — ранывӕзтмӕ гӕсгӕ", — загъта йӕ тренер Сланты Виталий.

23-аздзыд Гасситы Мурӕтӕн иу басаст дӕр нӕй профессионалон рингыл. Райгуырд Цӕгат Ирыстоны 1993 азы. Боксмӕ ӕрбацыд 14 аздзыдӕй. Уый размӕ цайдагъ кодта футбол, хъӕбысхӕст ӕмӕ дзюдойыл.

Райдыдта тренировкӕ кӕнын боксерон клуб "Арианӕ"-йы Уӕрӕсе ӕмӕ Хуссар Ирыстоны сгуыхт тренер Сланты Виталийы къухдариуӕгады бын. Абоны онг дӕр кусы йемӕ.

2014 азы Гасситы Мурӕт ацыд Америкӕмӕ тренер Абель Санчесы къухдариуӕгады бын йӕ тренировкӕтӕ адарддӕр кӕнынмӕ.

Гасситы (Ирон) Мурæт у дунейон чемпион фӕсивӕды 'хсӕн WBC-йы версимӕ гӕсгӕ, Европӕйы чемпион IBF-йы версимӕ гӕсгӕ, дунейы интерконтиненталон чемпион IBF-йы версимӕ гӕсгӕ. Уый 23 хатты рахызт профессионалон рингмæ æмæ сæ алкæцыйы дæр ссис уæлахиздзау.

32