Футбол.

Цхинвайлаг "Барсалан" хайад исы ӕхсæнадæмон турнир "Кожаный мяч"-ы

17
(ранӕуӕггонд 16:33 12.10.2016)
Хуссар Иры командæ турниры фæлгæтты рамбылдта дыууæ хъазты, æртыццæджы та "Барсалан" стох кæндзӕн Китайы командæимæ.

ЦХИНВАЛ, 12 окт — Sputnik. Хуссар Ирыстоны Республикон футболы скъолайы командӕ "Барсалан" хайад исы Ӕхсæнадæмон турнир "Кожаный мяч"-ы. Цхинвайлаг командæйæн нырмæ уыд дыууæ фембæлды æмæ дыууæйы дæр ссис уæлахиздзау, фехъусын кодта Sputnik скъолайы директор Битеты Зауыр.

"Ӕртыццæджы ма "Барсалан" ахъаздзӕн Китайы командæтæй сæ иуимæ æмæ уый фӕстæ фæбæрæг уыдзысты сæ ныхмæлæуджытæ радон туры. Ацы хъазтæй бæрæг уыдзæн, къорды лидертæ суыдзысты æви нæ", — радзырдта Битеты Зауыр.

Уый ма банысан кодта, уалдзæджы та ацы командæ кӕй ссис Дагомысы уагъд цæуæг турниры уæлахиздзау.

Ӕхсæнадæмон турнир "Кожаный мяч"цæуы Анапæйы 10-16 октябры. Нывæзтмæ гæсгæ турниры архайы фараст командæйы Уæрæсе, Молдова, Беларусь, Абхаз, Китайы Адæмон Республикæ æмæ Хуссар Ирыстонӕй.

17