Гӕззаты Валерий Уӕрӕсейы командӕимӕ

Гӕззаты Валерий: ДЧ-2018-мӕ Уӕрӕсе хъуамӕ бацӕуа цыппар хуыздӕр командӕты нымӕцмӕ

3
(ранӕуӕггонд 13:36 21.10.2016)
Ирыстойнаг номдзыд хъазӕг ӕмӕ тренер нымайы, уӕрӕсейаг ӕмбырдгонд кӕй хъуамӕ бацӕуа 2018 азы дунейы чемпионаты тыхджындӕр командӕты номхыгъдмӕ.

ЦХИНВАЛ, 21 окт — Sputnik. 2018 азы дунейы чемпионаты уӕрӕсейаг ӕмбырдгонд хъуамӕ бацӕуа дунейы цыппар тыхджындӕр командӕты нымӕцмӕ, нымайы Паддзахадон думӕйы физикон культурӕ, спорт, туризм ӕмӕ фӕсивӕдон хъуыддӕгты фӕдыл комитеты сӕргълӕууӕджы хӕдивӕг ӕмӕ футболӕй Уӕрӕсейы ӕмбырдгонды экс-тренер Гӕззаты Валерий.

"Уӕрӕсейы ӕмбырдгонд футболӕй 2018 азы дунейы чемпионаты рӕстӕджы хъуамӕ скъуыддзаг кӕна иууыл бӕрзонддӕр хӕслӕвӕрдтӕ. Дунейы цыппар тыхджындӕр командӕты нымӕцмӕ хъуамӕ бахиза ӕнӕмӕнгӕй, уымӕн ӕмӕ абоны хуызӕн нӕ адӕмы никуы хъӕуынц стыр ӕмӕ нӕргӕ уӕлахизтӕ", — загъта Гӕззаты Валерий Паддзахадон Думӕйы пленарон рабадты рӕстӕджы.

Фыццаг хатт историйы дунейы чемпионат футболӕй Уӕрӕсейы территорийыл ацӕудзӕн 2018 азы 14 июнӕй 15 июльмӕ. Турниры матчтӕ уагъд цӕудзысты Мӕскуы, Калининград, Санкт-Петербург, Волгоград, Казань, Нижний Новгород, Самара, Саранск, Ростов-на-Дону, Сочи ӕмӕ Екатеринбурджы.

3