Бокс

Цыппар цхинвайлаг боксеры УФ фыццагадмæ сӕхи цæттæ кæнынц Новороссийскы

64
(ранӕуӕггонд 16:15 03.05.2017)
1999-2000 ӕзты гуырд æнтыстджын æрыгон боксертæ Джиоты Вадим, Кокойты Эдуард, Кокойты Хетæг æмæ Аль-дамари Алан "Юность России"- йы фӕстӕ ныр та сæхи цæттæ кæнынц Уæрæсейы фыццагдмæ

ЦХИНВАЛ, 3 май — Sputnik. Цыппар хуссарирыстойнаг боксеры афæндараст сты сбортæм Новороссийскмæ. Джиоты Вадим, Кокойты Эдуард, Кокойты Хетæг æмæ Аль-дамари Алан дыууæ къуырийы дӕргъы фæлтæрд тренерты къухдариуæгадæй сæхи цæттæ кæндзысты Уæрæсейы фыццагадмæ, радзырдта Sputnik боксы скъолайы минӕвар Кокойты Ирбег.

Новороссийскы сборты архайынц 1999-2000 æзты гурыд боксертæ, кæцытæ ссисты "Юность России"-йы уæлахиздзаутæ æмæ призертæ. Фæсивæд сты Хуссар ӕмӕ Цæгат Ирыстонӕй, Мæскуы æмæ Ставрополæй.

"Нæ боксертæ 14 маймæ — Уæрæсейы фыццагадмæ сæхи цæттæ кæндзысты Новороссийскы. Боксертимæ бакусдзысты уæрæсейаг номдзыд тренер Антон Ковалёв æмæ "Юность России"- йы сæйраг тренер Плиты Роберт. Сбортæй уыдон комкоммæ афæндараст уыдзысты Анапамæ", — радзырдта Кокойты Ирбег.

Уый ма банысан кодта, хуссарирыстойнаг боксертимæ сбортæм кӕй ацыдысты сæ тренертæ дыуууæйæ — Плиты Азæмæт æмæ Тедеты Алик.

64