Сергей Шойгу нысан кӕны йӕ 60 азы юбилей

© Sputnik / Фотохост-агентство /  Ахизын медиабанкмæУӕрӕсейы хъахъхъӕнынады министр Сергей Шойгу
Уӕрӕсейы хъахъхъӕнынады министр Сергей Шойгу - Sputnik Хуссар Ирыстон
Рафыссын
Зынгӕ уӕрӕсейаг политикы Хуссар Ирыстоны хорз зонынц ӕмӕ йын аргъ кӕнынц. Уый бирӕ хӕттыты равдыста, республикӕйы хъысмӕтмӕ йын серьезон ахаст кӕй ис, уыд ирон адӕмы фарсмӕ сӕ тыхст бонты.

ЦХИНВАЛ, 21 май — Sputnik. Уӕрӕсейаг зынгӕдӕр политиктӕй сӕ иу, бӕстӕйы хъахъхъӕнынады министр Сергей Шойгу 21 майы нысан кӕны йӕ юбилей — ӕххӕст ыл кӕны 60 азы.

Сергей Шойгуйы хорз зонынц ӕмӕ йын аргъ кӕнынц Хуссар Ирыстоны. Ирон адӕмӕн сӕ иууыл тыхстдӕр рӕстӕджытӕ куы ныллӕуыдысты, уӕд уый райста активон хайад республикӕйы хъысмӕт фӕхуыздӕр кӕныны хабӕртты.

1992 азы Шойгуйы сӕргълӕудӕй Хуссар Ирыстон ӕмӕ Гуырдзыстоны конфликты зонӕмӕ ӕрбацыдысты фидауынгӕнӕн тыхтӕ. Уыдон 16 азы дӕргъы арызтой ӕппӕтдӕр, цӕмӕй республикӕйы уа сабырад.

© Фотохост-агентство /  Ахизын медиабанкмæУӕрӕсейы хъахъхъӕнынады министр Сергей Шойгу
Уӕрӕсейы хъахъхъӕнынады министр Сергей Шойгу  - Sputnik Хуссар Ирыстон
Уӕрӕсейы хъахъхъӕнынады министр Сергей Шойгу

 

2008 азы та Гуырдзыстон радон хатт куы рбабырста Хуссар Ирыстонмӕ, уӕд Уӕрӕсейы уӕлвӕткон уавӕрты министрады дӕлхӕйттӕ Шойгуйы сӕргълӕудӕй фыццаг ӕххуысы къух фӕдаргъ кодтой ирон адӕммӕ.

Министрады ирвӕзынгӕнджытӕ ӕмӕ дохтыртӕ байтыгътой республикӕйы госпиталтӕ, уыдон баххуыс кодтой мингай адӕймӕгтӕн. Алы бон дӕр министрады минӕвӕрттӕ Цхинвал ӕмӕ районты цӕрджытӕн дӕсгай тоннӕтӕ ластой гуманитарон ӕххуыс.

Сергей Шойгу ма бакодта стыр ӕххуыс Хуссар Ирыстоны уӕлвӕткон министрады сывзӕрыны ӕмӕ йӕ къахыл слӕууыны хъуыддаджы.

Сергей Шойгу — ӕфсады инӕлар, Уӕрӕсейы Хъайтар ӕмӕ сгуыхт ирвӕзынгӕнӕг. 2012 азы уый нысан ӕрцыд Уӕрӕсейы хъахъхъӕнынады министрӕй.

Ног хабӕртты лентӕ
0